Blekstæði

1930
In preservation at
National Museum of Iceland
Blekstæði úr mahogný, smíðað og útskorið af Ríkarði Jónssyni, myndhöggvara.  Platan, eða borðið, er gerð bogamynduð fyrir endana og nokkuð fram fyrir, þar sem hornin hefðu átt að vera, þar eru gerðir stallar og svo nýr bogi um miðbik plötunnar, og er hún þar breiðust, 20 cm, 30,5 cm er hún að lengd og 2,5 að þykkt. Hún stendur á fjórum fótum, sem skrúfaðir eru neðan á og skornir í líkingu við ljónsfætur;  að framanverðu og á endunum eru skornar rákir og laufaskurður.  Blekbyttan stendur á miðju borðinu, er hún rennd, kringlótt, og fest með skrúfum neðan frá, útskornir bekkir kringum botninn og lokið, sem er kúpt, hún er 3 cm að hæð undir lok, og um 6 með loki, hún er breiðust neðst en mjókkar mikið um miðjuna, þar sem lokið tekur við, en það breikkar svo aftur, glas er innan í.  Framan við blekbyttuna er bogamynduð gróp, 21,5 cm að lengd, 4 cm að breidd, fyrir pennastöng, er hún að innan öll skreytt með óteljandi smástjörnum.  Bakfjölin er fest með skrúfum á eftri kant borðsins, og hallast hún lítið eitt aftur á bak.  Hún er bogamynduð fyrir báða enda og enda þeir í stöllum á efri kantinum, taka þá við aðrir, minni bogar, sem snúa upp og mætast í burst á miðjunni eins og vindskeiðar, þar ofan á er skorin sex-boruð skeifa, sem látin er falla ofan á burstina og ganga niður beggja megin. Öll framhliðin er útskorin með upphleyptri mynd af melstöng með axi og blöðum, er stöngin sjálf á miðjum fletinum og nær toppur hennar alveg upp undir burstina.  Blöðin hríslast út eins og frá rótinni, eru þau nokkuð breið og löng, og endar látnir falla niður svo að öll myndin lítur út eins og nokkurs konar kóróna.  Framan á blöðin er skorin áletrun, hægra megin stendur með skrautletri:  "Gunnlaugur / Kristmundsson / fimmtugur / 26. júní 1930" og hægra megin:  "Þökk fyrir starfið / á liðna tímanum / Verkamanna- / félagið Hlíf". Neðst í útskurðinum sjást stafirnir RJ.  Bakfjölin er 30 cm að lengd, 23,5 að hæð og 1,6 að þykkt.

Main information

Dating
1930
Object-related numbers
Museumnumber a: L-211
Dimensions
30.5 x 20 x 2.5 cm Lengd: 30.5 Breidd: 20 Hæð: 2.5 cm
Record type
Collection
Undirskrá: Listiðnaðarsafn (L)
Keywords
Keyword: Blekstæði