Jörundur EA 335

1949

In preservation at

Líkanið er í kassa úr gleri og harðviði, lokaður að aftan með útbúnaði til að hengja á vegg. Inni í kassanum er skilti með þessari áletrun: "Designed and built by BROOKE MARINE LTD Shipbuilders Repairers Lowestoft." Þetta þýðir að um er að ræða verksmiðjumódel, smíðað sama ár og skipið. Gjafabréf fylgir með líkaninu, þ.e. lítið, grænt kort í grænu umslagi, undirritað af Guðmundi Jörundssyni, og er það nú í skjalasafni. Jörundur EA 335 var smíðaður í Englandi 1949, 491 brl. með 950 ha. Mirrlees díselvél. Eigandi frá 5. ágúst 1949 var Guðmundur Jörundsson, Akureyri. Togarinn var smíðaður eftir teikningu Erlings Þorkelssonar vélfræðings. 21. janúar 1958 var skipið selt Þórólfi Mostraskegg h/f í Stykkishólmi og fékk þá nafnið Þorsteinn þorskabítur SH 200. 29. maí 1963 var skráður eigandi að skipinu ríkissjóður Íslands og hét það þá Sigurey EA 8. Um þetta leyti var togarinn í eigu Sigurðar Finnssonar á Siglufirði. 9. ágúst 1966 var skipið selt Grími h/f á Eskifirði og fékk þá nafnið Jón Kjartansson SU 111. Skipið sökk út af Vattarnesi 28. janúar 1973. Áhöfnin, 12 menn, bjargaðist í gúmmíbjörgunarbát og þaðan um borð í Dagfara ÞH.