Go Back To Search
Do you know more?

Pappírshnífur

1916
In preservation at
National Museum of Iceland
Séra Magnús Helgason, skólastjóri Kennaraskólans, Reykjavík, ánafnaði: Pappírshnífur, brúngulur að lit úr fíngerðum léttum laufviði, póleraður og útskorinn.  Blaðið er tungulagað, lengd um 19 cm, breidd fremst 1,5 cm um miðju 4,5  og við hjalt 3 cm.  Skaftið er líka tungulagað, en styttra, lengd 12,7, breidd við fremra hjalt 3,5 og 4,5 cm við það eftra.  Hjöltin, fremra og eftra eru skorin út í líkingu við prestakraga (pípukraga) og er það fremra 4,2 og hið eftra 5 cm að þvermáli.  Allt í kring og báðum megin á blaði og skafti er skorinn krákustígs-(zig-zag) bekkur;  öðru megin á er skorin áletrunin:  "Magnús Helgason"; og á skaftið á sömu hlið er skorin upphleypt mynd af kirkju, fjallshlíð og tveimur fjallshnúkum, er sá fremri lítið eitt hærri og keilumyndaður upp í topp, hinn er lægri og minni um sig, og í topp hans er sýnd skál, sem tákna skal gíg.  Meðfram fjallshlíðinni í stefnu á kirkjudyrnar gengur fyrst hundur og þá fólk fernt saman;  2 karlmenn og 2 konur, ganga þau í röð hvert á eftir öðru;  sá fremsti styðst við langan staf.  Hinu megin á blaðinu er ártalið 1916, og á skaftið þeim megin er skorin lítið eitt upphleypt mynd af lykli með þreföldu skeggi, og myndar það þrjá jafnarma krossa, á þann fremsta er markaður kross, á þann næsta akkeri og á þann þriðja hjarta.  Halda lykilsins er líka mynduð sem akkeri, kross og hjarta samandregið.  Aftast á skaftinu þeim megin stendur eins og út gegnum prestakragann opin bók.  Hnífurinn er nokkuð skemmdur, eggjarnar lítið eitt skörðóttar og oddurinn brotinn af, og blaðið brotið og límt saman rétt framan við miðju.  Ekkert smiðsmerki er sýnilegt.

Main information

Dating
1916
Material
Object-related numbers
Museumnumber a: L-55
Dimensions
31.7 x 0 cm Lengd: 31.7 cm
Record type
Collection
Undirskrá: Listiðnaðarsafn (L)
Keywords