Teketill
In preservation at
National Museum of Iceland
Teketill úr hörðum leir. Ketill þessi hefur háan sívalan bol, kringlótt op efst, með kúptu loki, og venjulegan könnustút. Út frá bolnum gengur lágur leirstútur, gerður fyrir handfang, sem er fest við stútinn með blikkfæti. Handfangið sjálft er úr tré og svart á lit, blikkfóturinn einnig svartur. Öll hæð ketilsins er 18 sm. Bolurinn er að gildleika 11.7 sm, jafngildur upp að rönd við öxl, 12.6 sm frá botni. Lokið er 8.4 sm á br. neðst, er með kúptri öxl, eins og bolurinn, hæð þess 2.6 sm. Stúturinn er 3.8 sm að gildleika neðst, en brotnað hefur framan af honum og er nú lengdin mest 9.6 sm. Mælt frá bol er skaftið um 16 sm á lengd, handfangið sjálft mjóst um 2 sm, gildast um 3 sm. Botn ketilsins er sléttur, hvítur, en ógleraður. Annars staðar er glerungur, bæði utan á katlinum og að innan. Á báðum stútum er upphleypt skraut, en á bol og loki eru upphleyptar, lóðréttar randir. Auk þess er ketillinn skreyttur bláum blómum og röndum og virðist það hafa verið málað á leirgrunninn áður en yfirborðið gleraðist. Gat er efst á miðju loki. Nálægt því eru þrír messingarnaglar gegnum lokið, einn með litlu handfangi úr messing. Neðan úr lokinu ganga þrír fjaðrarkrókar, áfastir hring innan í lokinu efst, en sá hringur er festur með áðurnefndum nöglum. Fjaðrarkrókarnir krækjast undir brún ketilopsins, en handfangið á lokinu má setja yfir lítið op, sem er á lokinu miðju, og nefnt var. Lokið hefur brotnað í tvennt, en ekkert vantar í það. Ekkert merki er á katlinum nema hvað stórt X er rist á botninn. Úr eigu Þuríðar Kúld, eins og næsta nr. á undan.
Main information
Material
Object-related numbers
Museumnumber a: 14370
"Museumnumber b": 1950-100
Exhibition text
Teketill úr hvítu postulíni með bláum grönnu rósaskrauti. Á loki eru látúnsbólur sem halda klemmum að innan og látúnshetta á miðju loki. Handfangið er úr tré og gengur út úr miðri hlið. Á botni er merki, X, en annars ómerkt. Frá 19. öld. Úr eigu Þuríðar Sveinbjarnardóttur Kúld, d. 1899, konu séra Eiríks Kúlds, síðast í Stykkishólmi,
14370
Teketill úr hvítu postulíni með bláum grönnu rósaskrauti. Á loki eru látúnsbólur sem halda klemmum að innan og látúnshetta á miðju loki. Handfangið er úr tré og gengur út úr miðri hlið. Á botni er merki, X, en annars ómerkt. Frá 19. öld.
14370
Record type
Collection
Undirskrá: Munasafn
Keywords
Keyword: Teketill