Smiðjubelgur
1700 - 1800
In preservation at
National Museum of Iceland
Smiðjubelgur með venjulegu lagi, sbr. nr. 7559. Belgurinn er úr hrosshúð, sem hefur verið blásteinslituð í öndverðu, en virkin eru úr furu. Þau eru sporöskjulöguð, en þó breiðari að aftan en að framan, mest 35 cm: lengdin er 56 cm. Aftarlega á neðra virkinu er ferkantað loftgat með loku (ventli) fyrir, en aftur undan því er fest stöng sú, sem belgtaugin hefur verið fest í. Á efra virkinu er þverklappi aftarlega og krotað ártalið 1771. Að framanverðu endar belgurinn í eins konar frammjókkandi kassa, 20 cm l.,11 - 16 cm br. og 10 cm háum, og fram úr honum stendur járnhólkur (blástrarpípan), og er aftast á honum ferhyrnd járnplata, sem negld er framan á kassann með 4 járnnöglum. Járnhólkurinn er nú 18 cm langur, en eitthvað er brotið framan af honum. Húðin er fest á virkin á þann hátt, að grafið er djúpt fals í brún þeirra og jaðar hennar lagðir ofan í það og snæri fellt þar á ofan og neglt fast með mörgum hestskónaglalöguðum trénöglum. Við millifjöl og blástrarkassa er belgurinn festur á sama hátt. Aftan á er belgurinn saumaður saman með grófum, tvinnuðum þræði, og yfir sauminum er saumuð mjó skinnræma að endilöngu, en miðseymi er ekkert. Rifur, sem komið hafa á belginn eru og saumaðar saman á þennan hátt, en í minni göt hafa verið settir korktappar og bundið um með vírspottum. Til frekari þéttingar hefur verið notað stálbik. Smiðjubelgur þessi er frá Guðmundi Böðvarssyni Á Kirkjubóli í Hvítársíðu. Þó að virkin kunni að vera frá 18. öld eins og ártalið 1771 gefur í skyn, hlýtur húðin að vera miklu yngri, enda var belgurinn síðast notaður veturinn 1934 - 35.
Main information
Donor: Guðmundur Böðvarsson
Dating
1700 - 1800
Material
Object-related numbers
Museumnumber a: 11877
"Museumnumber b": 1935-198
Place
Núverandi sveitarfélag: Borgarbyggð, Borgarbyggð
Record type
Collection
Undirskrá: Munasafn
Keywords
Keyword: Smiðjubelgur