Teikning, listræn

1876

In preservation at

Sverðsmynd, gerð af séra Helga Sigurðssyni á Melum árið 1876 eftir gömlum uppdrætti, er hann hafði komist yfir er hann var í Bessastaðaskóla 1835--40. Sverðið fanst árið 1781 í steinskriðu fyrir norðan Esjuberg: það var 9 kvartil (78,5 sm.) á lengd og nærri 2 1/2 þuml. (6,5 sm.) að breidd uppi við hjöltun, þar sem það var breiðast, en það var tvíeggjað og frammjókkandi. Óvíst er um hvar sverð þetta er nú niðurkomið. _ Myndarblaðið er 35,4 x 23 sm. að stærð. Úr safnskýrslu séra Helga Sigurðssonar frá Melum (nr. Þjms. 2008-5-718): 43. Sverðsmynd, á blaði; eins og í lýsingunni á blaðinu stendur, var sverð þetta 9. kvartil á lengð, og næstum 2 ½ þuml. á breidd, en að þýngð 3 * [pund] og 17. lóð, fyrir utan hið áttkantaða klót, eða hnúð aptan á því, það var tvíeggjað, fyrst fimkantað og svo fjórs kantað (hverjum megin) allt fram á odd, það var mjög begjanlegt, og tók sig aptur, þótt mjög riðgað væri. Þó var það hljóðgott, þegar því var slegið við. Sverð þetta fann gullsm. Tómás Tómásson, 1781, í sandskriðu, norðan Esjuberg. Ekki er kunnugt, svo eg viti, hvað af sverði þessu er orðið, þó er líkast, að það hafi verið latið til útlendra manna. Líka er óvíst, hvaða sverð það hefur verið, þó hjeldu margir, eða gátu til, að það væri Sköfnungur, er Hrolfur kraki bar, og Miðfjarðar-Skeggi sókti seinna í haug hans. Hér greinda sverðsmynd gerði eg eptir annari, er einn skólabræðra minna átti, þegar eg var í Bessastaðaskóla. Minnir mig, að sú mynd væri eptir sr. Sæmund Hólm. Og sé svo, er lýsingin af sverðinu líka eptir hann. Þessi mynd er hér talin meðal forngripa, þareð mikils er verðt, að eiga myndir þeirra, þegar sjálfur gripurinn ekki er til; þó bezt sé, auðvitað, að eiga gripinn, og þessa bezt að eiga bæði hann, og mynd af honum.