Go Back To Search
Do you know more?

Stóll, úr kirkju

1855
In preservation at
National Museum of Iceland
Stóll, smíðaður úr furu, með ártalinu 1855, felldur saman og negldur með trénöglum, hólf er undir seti og ekki eru hafðar armbríkur á. Hæð stólsins 87,4 cm, breidd 49,7 cm, fjarlægð milli framhliðar og baks um 50,6 cm, og hæð við set 43,3 cm. Með hornstuðlagrind, þverfjöl er efst í baki, íbjúg, liggur sveigjan upp og er meiri að ofan, en 17,3 cm neðan við liggur rimill þversum, og hafðir milli hans og toppfjalar tveir lóðréttir spelar, í neðri hluta stólsins eru tvær þverslár milli stuðla í framhlið og við bak, hvor upp af annarri, þar sem ofar eru um 37 cm og 38,5 cm frá stuðlaendum, hinar um 6 cm og 7 cm, í hliðum hafðar tvær sams konar slár nokkru hærra, hinar efri liðlega 41 cm ofan enda á hornstuðlum en lægri slárnar liðlega 9 cm og um 10,5 cm. Allur er stóllinn þiljaður að neðan. Eru í sessi þrjár fjalir, festar ofan á þverslána að framan og aftan, tvær lóðréttar fjalir eru í framhlið og baki að neðanverðu, þrjár í hliðum báðum, festar við slár að innan, og snúa þær lóðrétt, loks tvær langsum í botni, og ofan á slám. Gegnum efstu fjöl í stólbaki og við miðju er skorið hjarta, og er atriði þetta um 4,4 cm á hæð og um 5 cm á breidd, þrjár skorur ofan við í brún, hjá hjartanu rist ártalið 1855, sinn helmingur hvoru megin, og beint undir því sviðið á með stimpli (að auðvitað að vera brennimarki. Þ.M.): "Valdim" upphafsstafir. Sneitt er af brúnum allt umhverfis á bakstuðlum að ofan. Stóllinn skakkur, önnur þilja framhliðar sprungin, brúnir eyddar, naglar hafa dottið úr, skrámur eru víða og blettir, og í sessinum er miðþilja laus. Sjá má merki viðgerðar, hafa fjalir verið settar í og slár, bætur og tittir. Stóll þessi er frá Engidal og merktur Valdimar Guðlaugssyni bónda þar, afa gefanda. Var hann kallaður prófastsstóll, ef til vill sökum þess að prófastur var vanur að sitja í honum þegar hann kom að Engidal. Tók gefandi stólinn í eyðibænum fyrir nokkrum árum.

Main information

Dating
1855
Material
Object-related numbers
"Museumnumber b": 1963-75
Dimensions
305 x 172 x 17.5 cm Lengd: 305 Breidd: 172 Hæð: 17.5 cm
Place
Staður: Engidalur, 645-Fosshóli, Þingeyjarsveit
Exhibition text
Stóll með kistu undir sætinu, algeng gerð stóla til sveita á 19. öld. Í efstu fjölina í stólbakinu er skorið hjarta og þar beggja vegna ártalið 18-55, einnig brennimarkið Valdim, brennimark Valdimars Guðlaugssonar bónda í Engidal í Þingeyjarsýslu, en þaðan er stóllinn. Var kallaður "prófastsstóll", því að prófasturinn var vanur að sitja í honum er hann kom að Engidal. 1963-75 Stóll með ártali 1855, algeng gerð stóla til sveita á 19. öld. 1963-75
Record type
Collection
Undirskrá: Munasafn
Keywords

Place of origin

65°29'2.6"N 17°16'42.9"W