Beltispar

1600 - 1700

In preservation at

Beltispör úr látúni og prinsmetali, annar stokkurinn, a.: er hann 7,3 að l. og 2,8 að br., með grófgerðu verki, gröfnu blómskrauti. Hinn stokkurinn er 5,7 x 2,4 cm., er með laglegu blómskrauti, gröfnu, mjög líkur stokkunum á pörunum nr. 4420. Skjöldurinn, c., er með öðru verki en stokkarnir, blómskrauti í endurlifnunarstíl, miklum og þjettum greinum, upphleyptum, en smágerðum, sem greinast um allan skjöldinn í hringum og sívafningum, ganga út út munnvikunum á ófreskjuandliti á miðju. Skjöldurinn er dálítið hvelfdur: hann er kringlóttur, 5 cm. að þverm. Pörin eru sennilega frá 17. öld. og mun skjöldurinn elztur, getur verið frá 16. ofanverðri. Þau komu upp úr gröf á Klyppstað og voru afhent safninu af Birni presti Þorlákssyni á Dvergarsteini.