Go Back To Search
Do you know more?

Brjóstmynd

In preservation at
National Museum of Iceland
Úr aðfangabók: Brjóstmynd af Jóni konferensráði Eiríkssyni, upphleypt, steypt úr gipsi: kringlótt skífa, 19,4 cm. að þverm., myndin sjálf um 14 cm. að h.: sjer á vinstri vanga. Jón hefur hár á bak aptur og hnýti um: hrokkið yfir eyrun. Kragar á frakka og vesti standa upp: skyrtubrjóstið fellingaríkt. Andlitið skegglaust: liður á nefi. Myndin er úr ágætu gipsi mjallahvít og vel gerð. Mynd þessa hefir Sigurður málari Guðmundsson búið til þegar hann var í Kaupmannahöfn, eptir þeirri prentuðu mynd, sem er framan við ævisögu Jóns Eiríkssonar. Eptir mynd Sigurðar voru fleiri myndir steyptar (S.V.). Mynd þessi er mjög lík frummynd sinni, sem er framanvið greinda bók, útg. af Bókmentafjelaginu í K. höfn. 1828. Fyrir þeirri mynd og frummyndum hennar er gerð grein á næsta blaði eptir titilblað sömu bókar: sbr. ennfr. bls. 16 - 100 í bókinni og nr. 49 í Mens., Weilback, Nyt dansk Kunsnerlexikon II, 188 og 374. Myndin framanvið ævisöguna, frummynd þessarar gipsmyndar, er prentuð með eirstungumynd eptir Erling Carl Wilhelm Eckersberg, son hins ágæta málara: hann hefur þá verið aðeins tvítugur að aldri, dó áttæður (27. 11. 1889). Hann gerði þá mynd eptir gipskringlumynd, sem Bertel Thorvaldsen hafði gjört, og tveim eptirmyndum eptir henni, nefnilega smámynd, málaðri á armspöng tilheyrandi dóttur Jóns, frú Jessen, af Vilh. Audr. Müller (d. 24. II. 1816), og mynd Ólafs próf. Olavsens á nr. 49 í Mms., sem getið er í ævis. (bls. 97 og 99) og talin er þar lík frummyndinni. Talsvert ólíkar eru þó þessar eptirmyndir Olavsens og Eckersbergs hvor annari, einkum að því er snertir augnasvið og lagið á nefinu. - Nú nr. 11 í Mms.

Main information

Material
Object-related numbers
Museumnumber a: 2787 "Museumnumber b": 1886-59
Dimensions
19.4 x 14 cm Lengd: 19.4 Breidd: 14 cm
Record type
Collection
Undirskrá: Munasafn
Keywords
Keyword: Brjóstmynd
References
Halldór J. Jónsson. Mannamyndir Sigurðar Guðmundssonar málara. Sérprent úr Árbók Hins íslenzka fornleifafélags. 1977.