Order a photo Terms of Use

Skál, óþ. hlutv.

1877

In preservation at

National Museum of Iceland

Silfurskál á háum fæti, ætluð til að standa á stofuborði, gerð fyrir ávexti eða nafnspjöld eða önnur smáspjöld. H. 41 cm., þverm. skálarinnar 30,7 cm., stjettar 17,4: fóturinn með skorum og útskotum, mjög misgildur, allur skrautlega drifinn og grafinn. Neðaná skálina eru grafnar árstíðamyndir Bertels Thorvaldsens og vafningsviðarblöð á milli, en á bumbu á leggnum eru grafnar myndir af Apolló og Aþenu, og þessi áletrun, á 3. sporöskjulagaða fletinum: Þakklætisvottur frá Múlasýslubúum fyrir drenglynda aðstoð herra Eiríks Magnússonar árið 1875. Þegar Múlasýslubúar biðu hið mikla tjón af eldgosunum úr Dyngjufjöllum 1875 gekkst E.M. fyrir mikill fjársöfnun í Englandi til styrktar þeim, um 40,000 kr.: var keypt fóðurkorn fyrir og sent gufuskip til Austfjarða með það: gerði E.M. það sjálfur og kom sjálfur með skipinu. Sjá Frjettir frá Íslandi 1875, bls. 14 - 15. - Neðaná skálinni og neðaná stjettinni eru 4 stimplar, smiðsins, IACOBSEN, þ. Ásbjörn gullsmiður Jacobsen, íslenzkur, merki Kaupmannahafnar með 77 og sjerstakur stimpill með sama ártali, 77, og loks myntvarðarstimpillinn. - Skálin er vandaður og dýrmætur gripur.