Kvenveski

1975 - 1990

In preservation at

Kvenveski (handtaska) úr brúnu slönguskinni með glansáferð. Veskið er með handól og því er lokað með gylltri smellu. Hæð töskunnar er 22,8 cm án handólar en um 38 cm með handólinni. Í töskunni eru þrjú minni hólf, þar af eitt rennt. Í töskunni eru lítill spegill; eldspýtustokkur með þremur eldspýtum í; lítil budda úr brúnu rúskinni; hvítur vasaklútur með ísaumuðu blómi; rauður vasaklútur með hvítri mynd af kistu, áletruninni le secret de vos lévres og ísaumuðu nafni eigandans: Blaka; pakki með Lindu piparmyntum(í honum eru piparmyntur); og eitt franskt frímerki. Taskan er geymd í rauðum hlífðarpoka úr flónel efni. Allir gripirnir nr. 2007-16 eru úr dánarbúi Guðrúnar Laufeyjar Jónsdóttur, sem einnig var kölluð Blaka Jónsdóttir og bjó á Hagamel 15 í Reykjavík. Hún lést árið 2004. Milligöngumenn um gjöfina eru synir bróður Blöku, Halldórs Jónssonar. Garðar Halldórsson bauð Lilju Árnadóttur, fagstjóra munasafns, og Margréti Gísladóttur, textílforverði, í samráði við Jón bróður sinn, að koma og fara í gegnum klæðaskáp Guðrúnar. Í samstilltu átaki þeirra stalla voru þessir gripir (2007-16-1 o.áfr.) valdir.