Spjótsoddur, vopn

In preservation at

Brot af spjótsoddi, fremsti broddurinn, l. 5,6 cm., br. mest 1,7 cm., þ. 3,7 mm. Ryðjetinn nokkuð: vottar fyrir hrygg og drögum beggja vegna. Hefur verið aflagaður fremst, sleginn ferstrendur og hafður til að bora með leir, því að stálið er mjög gott. - Spjótsoddur þessi fannst í Hildishaug, austur frá Kirkjubæ á Síðu, sjá Landn., bls. 267 (Útg. F.J., bls. 213 o.fl.st.). Þegar (eg) rannsakaði þar eystra 1885, og kom að Kirkjubæ, sá eg hvernig hjer hagaði til. Hinn forni Kirkjubær stóð um 200 faðma austar en bærinn stendur nú, og sjest þar fyrir miklum tóttum og húsagarði: austur frá honum er nú alt hið neðra uppblásið og sandorpið, svo haugurinn sjest ekki nú, en mjög gamall maður, sem var í Kirkjubæ, um 80 ára, sagði okkur A. Blöndal, að hann muni með vissu, að Hildishaugur hafi verið sýndur austur frá hinum forna bæ, en haugurinn sje nú uppblásinn og kominn í sand. Hann kvaðst ennfr. glögt muna, að innansveitarmenn hefðu eitt sinn grafið í hauginn, og hafi þar fundist mannsbein: hann minnir að eitt hafi verið mjaðmarspaði, en skömmu síðar hafi fundist stjótsoddur, blásinn upp úr greptinum, en ekki vissi hann hvar hann nú var niður kominn, en hjelt þó, hann væri til. Síðar gat A. Blöndal spurt upp spjótsoddinn, og skrifar hann mjer í sumar, er var, á þessa leið: Nú sendi eg þjer spjótsoddinn úr Hildishaugi: karlinn, sem á hann, heitir Jón Jónsson, og er nú orðinn 72 ára, nú til heimilis á Núpsstað: hann segir spjótsoddinn fundinn í moldarhaug, er hafi staðið upp úr sandinum fyrir austan Kirkjubæ hinn forna, en sem nú er alveg kominn í sand. Þegar spjótið fannst fyrst, var það framt að ½ al. á lengd, en brotið í 4 stykki síðar, og er þetta fremsta stykkið eða oddurinn, sem karl fjekk, og brúkaði til að bora með göt á leirskál, er hann spengdi, því honum þótti svo hart og gott stálið í hinum, og því er oddurinn nú ferstrendur fremst. Þetta er góður fundur og skýrsla, því hann sannar orð Landnámu hjer um, sem ella kynni að hafa verið rengd (S.V.).

Main information

Donor: Ásgeir Lárusson Blöndal

Material

Ólífræn efni, Málmur, Stál

Object-related numbers

Museumnumber a: 2839 "Museumnumber b": 1886-112

Dimensions

5.6 x 1.7 x 0.37 cm Lengd: 5.6 Breidd: 1.7 Hæð: 0.37 cm

Place

Staður: Kirkjubær 1, 880-Kirkjubæjarklaustri, Skaftárhreppur

Record type

Artifact

Collection

Undirskrá: Fundaskrá Undirskrá: Fundaskrá_Lausafundir

Keywords

Keyword: Spjótsoddur, vopn

Place of origin

63°47'11.2"N 18°3'29.4"W