Rekkjurefill
In preservation at
National Museum of Iceland
Marglitur rekkjurefill. Hann hefir eigi hríngi, svo sem tíðast er, heldur er honum skipt í fimm sexhyrninga. Í hinum fyrsta sexhyrningi er hrísla, sem dúfa situr uppi á, í öðrum hjörtur, með nafni hjartarins í, í hinum þriðja riddari með bauk, í hinum fjórða kórónaður leon, í hinum fimmta hrísla eða tré, sem tvær dúfur sitja í. Ofan til og neðan til á því er vers þetta með bandaletri: VERTV IFER OG ALLT VM KRING. MED EILIFER (= eilifre) TILSION ÞINNE. SITE GYDS EINGLAR SAMAN I HRING. SÆNGINNE IFER MINN(e). Áður átti tjald þetta Þórdís Árna dóttir prófasts á Kirkjubæ í Hróarstungu, og hafði það áður verið lengi í ætt Bjargar, móður hennar. Það á að hafa verið saumað af nunnum á Skriðuklaustri 1). 1). sögusögn þessi gæti verið sprottin af því, ef á reflinum væri svo kallaður nunnusaumur, annars hefir hún engan stað, því á Skriðu var múnka klaustur en ekki nunnu klaustur (stofnað 1493 - 1500) og versið er úr kvöldsálminum: Ó herra guð, sem húm og dag (prent. í Höfuðgreinabók. á Hólum 1772. II, 478), sem mun vera ortur á seytjándu öld. J:S:
Athugasemd á seðli frá Elsu E. Guðjónsson: Í prentuðu eintaki af Skýrslu um Forngripasafn Íslands I sem Sig. Guðmundsson hefur átt sjálfur, og gert við ýmsar athugasemdir á spássíum, stendur eftirfarandi og er því bætt við neðanmálsgrein sem J. S. hefur látið fylgja nr. 337 (bls. 137) ,,allir reflarnir (raunar skrifað ,,repeflarnir") Nr. 160, 161 og 337 eru saumaðir með glitsaum sem vera það sama sem Sigurðar registur 7.a. kallar refilsaum og skiptabréf kalla optast glitsaum." EEG 25.3. 1971: Þarna er máske komin skýringin á því af hverju M.Þ. notaði orðið refilsaum um glitsauminn?
Main information
Object-related numbers
Museumnumber a: 337
"Museumnumber b": 1866-34
Dimensions
3.8 x 58.5 cm
Lengd: 3.8 Breidd: 58.5 cm
Place
Staður: Kirkjubær, 701-Egilsstöðum, Múlaþing
Record type
Collection
Undirskrá: Munasafn
Keywords
Keyword: Rekkjurefill
Place of origin
65°30'58.1"N 14°23'59.8"W