Go Back To Search
Do you know more?

Verðlaunagripur, + hlutv.

1930
In preservation at
National Museum of Iceland
Úr aðfangabók: Íslandshornið, -verðlaunagripur, er maður hennar [gefanda] Sigurður Thorarensen hlaut til eignar fyrir glímu á alþingishátíðinni 1930. Hornið er mjög stórt, útskorið og silfurbúið. Það hvílir á herðum risa, sem skorinn er í tré og stendur á nokkurs konar þúfu á ferstrendum fótstalli. Á honum er merki alþingishátíðarinnar. Myndir af glímumönnum í ýmsum stellingum eru skornar í sporöskjulaga fleti á efri hluta hornsins. Útskorið trélok er ofan á því og þar á hnúður úr silfri, sem á standa glímumenn að leik. Nafn sigurvegarans er grafið á silfurbeit umhverfis hornið efst: Sigurvegari í Íslandsglímunni 1930. Sigurður G. Thorarensen. Um miðbik hornsins er silfurbeit og í hana grafin nöfn annarra keppenda: Keppendur á Íslandsglímunni 1930 Ágúst Kristjánsson, Dagbjartur Bjarnason, Georg Þorsteinsson, Hallgrímur Oddsson, Jörgen Þorbergsson, Lárus Salomonsson, Leó Sveinsson, Óskar Einarsson, Ólafur Jónsson, Ólafur Þorsteinsson, Sigurjón Hallvarðsson, Tómas Guðmundsson, Valdimar Valdimarsson, Viggó Jónsson, Viggó Nathanelsson, Þorsteinn Kristjánsson. Silfurhólkur er neðst á horninu. Hornið skar Ríkarður Jónsson, sjá 1961-200. Úr Gersemar og þarfaþing: (Texti eftir Guðmund Magnússon) „Á Alþingishátíðinni á Þingvöllum í júní 1930 var meðal annars keppt um nafnbótina „Glímukonungur Íslands“. Keppendur voru 16 að tölu og tókst einum þeirra, Sigurði Thorarensen, að vinna það afreksverk að leggja alla keppinauta sína og hljóta 15 stig. Blandaðist engum hugur um að hann var fremsti glímumaðurinn og var vel að sigrinum kominn. Að launum fékk hann auk glímubeltisins silfurbikar sem Kristján konungur X afhenti honum og óvenju glæsilegt úrarhorn af Brasilíunauti, skorið af Ríkarði Jónssyni myndhöggvara. Var ákveðið að hornið yrði eign Sigurðar meðan hann lifði en gengi síðan til Þjóðminjasafnsins og yrði varðveitt þar. Glímuhornið, sem í aðfangabók safnsins er nefnt „Íslandshornið“, er mjög stórt (107 cm langt), útskorið og silfurbúið. ... Sigurður Thorarensen (1907-1961) þótti afburðasnjall glímumaður, bæði sókn og vörn. Honum er svo lýst að hann hafi verið hraustmenni, svo mjúkur og fimur í hreyfingum að hann hafi getað smogið létt úr hvaða glímubragði sem á hann var lagt. Glímukappi Íslands varð Sigurður sex sinnum á árunum 1929-1936. ... Glímuhornið er tvímælalaust meðal fegurstu skurðarverka Ríkarðs Jónssonar (1888-1977). Hann fæddist að Tungu í Fáskrúðsfirði, bóndasonur sem rakti ættir til listfengra manna og hagvirkra. Sautján ára gamall fór Rikarður til Reykjavíkur til náms í tréskurði hjá Stefáni Eiríkssyni og sigldi þremur árum síðar til Hafnar þar sem hann stundaði listnám í hálft sjötta ár. Prófsmíð Ríkarðs hjá Stefáni, fagurlega útskorinn spegill, er varðveitt á Þjóðminjasafni. Er heim kom vann hann að myndskurði, andlistmyndagerð, teiknun og teiknikennslu. “ (Sett inn af Sigrúnu Blöndal, 6.9.2010)

Main information

Dating
1930
Material
Object-related numbers
"Museumnumber b": 1961-199
Place
Núverandi sveitarfélag: Reykjavíkurborg, Reykjavíkurborg
Exhibition text
Íslandshornið svonefnda eða Glímuhornið 1930, gríðarstórt verðlaunahorn sem keppt var um í Íslandsglímunni á Alþingishátíðinni á Þingvöllum 1930 og Sigurður G. Thorarensen glímukappi vann til eignar, en svo var kveðið á, að hornið skyldi renna til Þjóðminjasafnsins eftir hans dag. Ríkarður Jónsson myndskeri skar hornið og fótstallinn undir því, sem er risi úr tré er stendur á klettastalli og heldur horninu á herðum sér. Á horninu eru myndir í sporbaugslaga flötum af glímumönnum í ýmsum fangbrögðum. Á horninu er lok úr tré og þar á hnúður úr silfri og á honum glímumenn, sem takast á. Efst á horninu er beit úr silfri og grafið á: „Sigurvegari í Íslandsglímunni 1930 Sigurður G. Thorarensen.“ Á miðju horninu er silfurgjörð og á hana grafin nöfn annarra þátttakenda í glímunni, en á stiklinum fremst er hólkur og kúla úr silfri. Hornið er greinilega af erlendum nautgrip, gæti verið af skosku hálandanauti. 1961-199 Íslandshornið svonefnda eða Glímuhornið 1930, gríðarstórt verðlaunahorn sem keppt var um í Íslandsglímunni á Alþingishátíðinni á Þingvöllum 1930 og Sigurður G. Thorarensen glímukappi vann til eignar, en svo var kveðið á, að hornið skyldi renna til Þjóðminjasafnsins eftir hans dag. Ríkarður Jónsson myndskeri skar hornið og fótstallinn undir því, sem er risi úr tré er stendur á klettastalli og heldur horninu á herðum sér. Á horninu eru myndir í sporbaugslaga flötum af glímumönnum í ýmsum fangbrögðum. Á horninu er lok úr tré og þar á hnúður úr silfri og á honum glímumenn, sem takast á. Efst á horninu er beit úr silfri og grafið á: „Sigurvegari í Íslandsglímunni 1930 Sigurður G. Thorarensen.“ Á miðju horninu er silfurgjörð og á hana grafin nöfn annarra þátttakenda í glímunni, en á stiklinum fremst er hólkur og kúla úr silfri. Hornið er greinilega af erlendum nautgrip, gæti verið af skosku hálandanauti. 1961-199 Spjaldtexti: Alþingishátíðin 1930. Hátindur hinnar sögulegu skírskotunar í sjálfstæðisbaráttunni var Alþingishátíðin 1930 sem haldin var í tilefni af 1000 ára afmæli Alþingis Íslendinga. Þá fóru í fyrsta sinn fram í stórum stíl fólksflutningar á bílum. Íslandshornið vann Sigurður Thorarensen í glímukeppni á Þingvöllum árið 1930. Ríkarður Jónsson skar það út. Á því má sjá nöfn þeirra sem kepptu í glímu á hátíðinni. Parliamentary festival 1930. In 1930 the nation celebrated the 1000th anniversary of the founding of the Alþingi (parliament). This was the first time that people were transported en masse using motor vehicles. At Þingvellir in 1930, the Iceland Horn was awarded to Sigurður Thorarensen, the winner of a contest in glíma (traditional Icelandic wrestling). Carved by Ríkarður Jónsson, the horn bears the names of the competitors.
Record type
Collection
Undirskrá: Munasafn
Keywords
Keyword: Verðlaunagripur, + hlutv.
Depiction: Glímumaður
Depiction: Glíma
References
Guðmundur Magnússon. „Glímuhorn frá Alþingishátíð.“ Gersemar og þarfaþing. Reykjavík 1994, bls. 208-209. Kjartan Bergmann Guðjónsson. Íslensk glíma og glímumenn. Reykjavík 1993, bls. 201-202. Magnús Jónsson. Alþingishátíðin 1930. Reykjavík 1943. Þór Magnússon. Skáldað í tré. Íslensk skurðlist úr Þjóðminjasafni. Sýningarskrá. Reykjavík, 2001.