Göngustafur

1872

In preservation at

Göngustafur, úr rauðleitum spanskreyr, 86 cm langur og 2,6 cm gildur, þar sem hann er gildastur. Krókur er á efri enda og framan á honum er nýsilfurskór og snýr fram sléttum sporöskulöguðum fleti, sem á er garfið skýrum latínustöfum: Þ. Johnsen. Krókurinn er grennri en aðalstafurinn, 2,2 cm, og þar sem samskeyti verða milli stafs og króks, er nýsilfur hólkur með útrennsli og laufaskurði að ofan, en sléttri neðribrún. Að neðan gengur stafurinn í 10,2 cm langan látúnshólk útrenndan til beggja enda, en þar fyrir neðan er járnbroddur, prófileraður, efst 3,5 cm langur nú, en nokkuð styttur af sliti. Stafurinn hefur verið búinn hér á landi. Hann átti Þorgrímur Johnsen, læknir, og var hann gefinn honum nýr 1872. ( Bogageymsla).