Umbúðir, óþ. notk.
1994 - 1995
In preservation at
National Museum of Iceland
Umbúðir utanaf Vestlands-LEFSU
frá Toro. Þetta eru áprentaðar pappaumbúðir. Lefsan er framleidd
í Noregi en pakkningarnar eru prentaðar á íslensku. Innflytjandi er John
Lindsay hf í Reykjavík, eins og fram kemur á umbúðunum. Á framhliðinni
er mynd af lefsum á diski og hjá honum kaffibolli og logandi sprittkerti.
Þar fyrir ofan er prentað, í rauðum og svörtum lit:
Vestlands-LEFSA, Ferskt
góðgæti við öll tækifæri. Neðst, í vinstra horni, er svo merki TORO. Á
bakhliðinni eru lýsingar á lefsunni og leiðbeiningar um matreiðslu:
Vestlandslefsa er bökuð eftir gamalli
uppskrift frá Harðangri í Noregi og er notuð bæði daglega og sem veislukostur.
VESTLANDSLEFSU er mjög fljótlegt að matreiða.
KAFFIMEÐLÆTI:
VESTLANDSLEFSA smurð með smjöri
eða smjörva og kanelsykri stráð yfir, er þekkt í Noregi og þykir herramannsmatur.
Einnig má nota smurost, smurkæfu, sultu eða salat, t.d. rækju- eða skinkusalat.
LEIÐBEININGAR:
1. Bleytið báðar hliðar lefsanna
undir rennandi vatni. 2. Leggið lefsurnar hverja ofan á aðra og hyljið
með plastfilmu eða rakri diskaþurrku. 3. Lefsurnar eru mjúkar og tilbúnar
eftir 20-25 mínútur.
VESTLANDSLEFSA: Hentar vel í stað
pylsubrauðs. VESTLANDSLEFSA: vafin upp í litlar rúllur: Smyrjið t.d með
reyktum laxi og eggjahræru eða spægipylsu og eggjahræru. Kramarhús: VESTLANDSLEFSA,
fyllt með rjóma og berjum. Smáréttur: VESTLANDSLEFSA, upprúlluð, t.d með
skinku, púrrulauk og kotasælu.
Á bakhliðinni er svo einnig að
finna innihaldslýsingu og fleiri upplýsingar.
Gefandi er Inga Lára Baldvinsdóttir,
fagstjóri Ljósmyndasafns Íslands. Pakkningarnar koma úr búi móður hennar,
Vigdísar Pálsdóttur, Tjarnargötu 38 í Reykjavík. Þær voru þar í frystikistu,
með innihaldinu í. Lefsan var fjarlægð úr umbúðunum og henni hent þegar
hún barst safninu og af skiljanlegum ástæðum ákveðið að skrá einungis umbúðirnar.
Umbúðirnar eru væntanlega frá því um 1994-1995 því á einni hlið þeirra
stendur: Best fyrir OKT 95.
Main information
Dating
1994 - 1995
Material
Object-related numbers
"Museumnumber b": 2008-1-1
Dimensions
20.6 x 20.6 x 3 cm
Lengd: 20.6 Breidd: 20.6 Hæð: 3 cm
Record type
Collection
Undirskrá: Munasafn
Keywords
Keyword: Umbúðir, óþ. notk.