Order a photo Terms of Use

Kaffikanna

1791

In preservation at

National Museum of Iceland

Úr aðfangabók: Kaffikanna úr silfri um 20 sm. á hæð, hér um bil 40 sm. að ummáli yfir bumbuna, þar sem hún slær sér mest út. Út undan fæti könnunnar sem er kringlóttur gengur ferstrend plata úr silfri tæpir 7½ sm. á hvern veg, með rósum á öllum hornunum; bryggjur (brúnir), liðlega ½ sm. á breidd, eru á plötunni og hvílir hún á þeim, fóturinn upp af plötunni er lágur, kringlóttur í lögun og haglega gerður. Upp af honum (neðst á bumbunni) ganga löng laufblöð í hvirfingu; þar fyrir ofan er silfrið slétt þar til kemur upp á hábumbuna; hringinn í kring um hana gengur í bugðum haglega gerður blómsveigur með þrem 4 blaða rósum uppi í bugðunum; lokið er á hjörum, kúpt, með blöðum og upp úr því gengur blómknappur. Stúturinn er með verki neðst og efst endar hann í drekahaus. Öll er kanna þessi úr góðu silfri, nema handarhaldið, sem er úr svörtu skygðu tré (ibenholti?). Um könnuna hef ég fengið þessar upplýsingar hjá seljandanum hr. Páli Melsteð, sagnfræðing: ,,Kaffikönnuna hefur smíðað Sigurður Þorsteinsson frá Víðivöllum í Fljótsdal, sem ól aldur sinn í Kaupmannahöfn og hefur líklega dáið þar á síðari hluta 18. aldar. Hann kvað hafa sent bróður sínum, Pétri sýslumanni Þorsteinssyni, könnuna að gjöf og smíðað hana sjálfur. Pétur andaðist 1795, erfði þá skáldið Sigurður sýslumaður, sonur hans, könnuna eftir hann; eftir Sigurð, er dó [1827] keypti Ísleifur etazráð Einarsson könnuna á uppboðsþingi og að honum látnum (í júlímánuði 1836) erfði Jórunn dóttir hans könnuna; Jórunn giftist yfirréttarmálfærslumanni Páli Melsteð árið 1840 og þá komst kannan í hans eigu og hefur verið þar síðan til þessa dags. Geta má þess, að 1844 brann bærinn að Brekku til kaldra kola og fanst þá kannan í rústunum nokkrum dögum síðar; handarhaldið brunnið og hún öll bækluð og illa útleikin; að hún eigi týndist með öllu og brann, kom af því, að hún varð undir reykháfnum. Kannan var síðan send til Kaupmannahafnar til viðgerðar og kom aftur jafngóð sem ný væri. “ Silfur í Þjóðminjasafni: Þar segir að kannan sé tekanna frá 1784. (Sett inn af Sigrúnu Blöndal, 1.11.2010)