Gjarðarhringja, af reiðtygjum

1766

In preservation at

Tvær gjarðahringjur, með ártalinu 1766, steyptar í kopar, sams konar. Miðband og sveigð útlína, grafið skraut á. Mest lengd og br. um 7 sm. Hringjurnar eru flatar, brúnir örlítið skáhallar, talsverður ávali er á gjarðarhaldi, á miðri þverriminni, þar sem þorn leikur á ás, er á efra borði strend upphækkun sitt hvorum megin. Bakhlið er slétt og óskreytt, en lautir í rim báðum megin við þornmót og ávalir skáfletir á bol við opin. Á efra borði er grafið verk, nema á gjarðarhaldi. Gerðir eru S-laga teinungsstúfar og annað skraut, vinstra megin á miðbandi er rist ANO, hægra megin 1766. Þorn fellur í laut á frambryggju. Þykkastar eru hringjurnar við stalla þá, er myndast við ás, þ. þar um 1 sm. Jafnaðarþykkt á bol úti er um 0.6 sm. Gott verk. Báðar hringjur eru dökkleitar á efra borði, en all bjartur koparlitur á bakhlið og þornum. Skraut er máð. Voru á hnakkræfli, sem faðir gefanda, Helgi Guðmundsson í Ketilsstöðum í Hörðudal í Dalasýslu, keypti á uppboði um 1900. Hann notaði þær síðan á hnakk sinn. Sbr. Þjms. 15286, o.fl.