Kanna, sem borðbúnaður og drykkjarílát
1800 - 1850
In preservation at
National Museum of Iceland
Kanna úr rauðleir, með gylltum
(rauðgylltum) glerungi og með handmáluðum blómum á í gulum, bleikum, bláum
og grænum litum. Kannan er með haldi og er nokkuð flúruð, nokkurn veginn
áttstrend. Glerungurinn er orðinn nokkuð máður, lítillega hefur kvarnast
úr brúninni á tveimur stöðum og á einum stað á fætinum, annars er kannan
í mjög góðu ástandi. Kannan er ekki yngri en frá fyrri helmingi 19. aldar.
Kannan kom til safnsins frá Petrínu Kristínu Jónsdóttur, en það
var afi hennar sem átti könnuna og hafði fengið hana í tannfé, þá gamla,
sbr. meðfylgjandi upplýsingar á blaði frá gefanda:
„Þessi kanna, er tannfé Helga
Árnasonar afa míns í Gíslabæ á Hellnum, gömul kona gaf honum hana, hún
var þá ekki ný. Afi var fæddur 23. júní 1844, svo hún er orðin gömul. Amma
gaf dóttir sinni Guðbjörgu Helgadóttir frá Gíslabæ könnuna eftir að afi
dó í þakklætisskyni fyrir hennar sérstöku umhirðu á afa sem lá í rúminu
í 5 ár, var orðinn svo útúr heiminum að hann þekkti ekki ömmu. Guðbjörg
gaf manninum mínum könnuna. Þannig er hún komin í mínar hendur.
Kannan á að fara til Þjóðminjasafnsins
til eignar.
Reykjavíkurvegi 31 R.
12/3 1980
Kristín Jónsdóttir“
Gripirnir nr. 2010-29-5 til 10
komu til safnsins 29.6.1998 en áttu ekki að skrást inn í safnið fyrr
en fleiri gripir kæmu úr búi Petrínu Kristínar Jónsdóttur eftir
hennar dag. Dóttir hennar, Kristín Helgadóttir, kom svo með fleiri gripi
úr hennar búi (Þjms. 2010-29-1 til 4) þann 31.5.2010 og þá var ákveðið
að skrá alla gripina saman á eitt númer, þ.e. 2010-29.
Gripunum fylgdi fjöldi upplýsinga,
prentaðra og skrifaðra, sem varðveittar eru í möppu: Fylgiskjöl aðfangabókar.
Þetta eru eftirfarandi gögn:
Æviágrip Guðbjargar Helgadóttur
frá Gíslabæ á Hellnum (f. 21.11.1885).
Ljósrit af minningargreinum um
Kristínu Jónsdóttur (Petrínu Kristínu Jónsdóttur).
Ritgerð um Jóhannes Helgason frá
Hellnum, eftir Hildi Margrétardóttur.
Ljósrit af grein úr Lesbók Morgunblaðsins,
2. september 2000, um Jóhannes Helgason frá Gíslabæ á Hellnum.
Ljósmyndir af gripum eftir Jóhannes
Helgason frá Gíslabæ á Hellnum.
Gjafabréf til Hellnakirkju varðandi
útskorinn ramma eftir Jóhannes Helgason um altaristöflu í kirkjunni.
Úrklippur úr dagblöðum um útskorna
rammann um altaristöfluna í Hellnakirkju.
Ljósrit af uppskrift af ljóði (grafskrift)
um Jóhannes Helgason skurðlistamann frá Gíslabæ á Hellnum.
Ljóðið Förukarlinn eftir Davíð
Stefánsson, handskrifað á tvö blöð.
Ljósmynd af Baðstofugafli síðasta
Malarrifsbæjarins.
Ljósrit af skjalaskrám Borgarskjalasafns
Reykjavíkur, úr skjalasafni Kristínar Helgadóttur þar, um hana sjálfa,
um móður hennar, og um Guðmund Kristjánsson.
Gjafabréf til Þjóðminjasafnsins
sem fylgdi gripunum sem bárust 1998 (Þjms. 2010-29-5 til 10).
Fleiri gögn.
Main information
Dating
1800 - 1850
Material
Object-related numbers
"Museumnumber b": 2010-29-5
Dimensions
15.1 x 0 x 0 cm
Lengd: 15.1 Breidd: 0 Hæð: 0 cm
Record type
Collection
Undirskrá: Munasafn
Keywords