Flaska, óþ. notk.

1700 - 1800

In preservation at

Flaska úr dökkgrænu gleri: hún er ferstrend í laginu, jöfn upp og niður, og sljett á hliðunum. Hæð 24,9 cm., þverm.10,2(-3) og 9,4(-8). Stúturinn er að eins um 5 mm. að h., en nær 4 cm . að vídd: um hann og uppaf honum er settur tinstútur, 6 cm. að þverm. neðst, en mestmegnis 5 cm. og eru þar á skrúfur: er feld skál eða skálmyndað lok, með typpi í botni, ofan í hann til að loka honum, og skrúfuð síðan tinhetta yfir, með barmi efst og dálítið hvelfd. Er á henni miðri merki tinsmiðsins, kórónað 5 blaða blóm (rós) með F S í miðju: hringur um. Lokið, hettan, er 7,1 cm.að þverm. og 1,7 cm. að h. Utaná tinið er komin svört skorpa, bæði hörð og þykk fyrir elli sakir. Gefandinn segist hafa fengið þessa flösku hjá Guðna Jónssyni, bónda á Dunkurbakka í Hörðudal í Dalasýslu sumarið 1888 og sagði hann, að flaska þessi hefði verið í ætt sinni sem ættarfylgja svo lengi sem hann til vissi, og hefði ávallt sú sögn fylgt, að hún væri úr eigu Daða í Snóksdal, sem Guðni er kominn af í beinan legg. Þetta mun allt rjett, því eg hefi í höndum ættartölu Guðna og er hann 11. maður frá Daða í Snóksdal Sprunga er í aðra eða eina hlið flöskunnar, en sem ekki var þegar Guðni fjekk hana. Flaskan er merkisgripur fyrir eiganda og elli sakir. Daði í Snóksdal andaðist 1563 (S.V.). Smiðstimpillinn á lokinu, í rós með kórónu yfir, sem sýnir gæði tinsins, ber vott um að flaskan sje ekki eldri en frá 18. öldinni. Sbr. t.d. Bergenske KandestÝbera og deres Mærker, af Joh. BÝgh, Vestl. Kunstindustrimus. Arbog 1905.