Beltisstokkur

In preservation at

Fjórir beltisstokkar úr látúni. Eru þrír þeirra heilir, en brotið af hinum fjórða. Tengir plata með lykkjum tvo stokkanna, hinir tveir lausir. Á öllum er áletrun, upphleypt munkaletur. a og b. Stokkar þessir eru sams konar báðir og tengir þá lykkjuplata. Er lengd hvors um sig 4.6 sm, br. um 1.3 til 1.5 sm, þ. mest 0.5 sm. Úr samanlagðri látúnsþynnu, samskeytin á bakhlið. Lykkja gengur út við hvert horn, þær gerðar fyrir mjóan ás, og eru ásar í við innri endana, um þá grípa svo lykkjur tengiplötunnar. Á framhlið stokkanna er áletrun langsendis. Virðist mega lesa: avcm aria, þ.e.: Ave María. Mjór bekkur er með langbrúnum að ofanverðu og að neðan. Platan á milli er þreföld koparþynna, aðalhluti er ferstrendur, lykkjan á hvorn veg, í miðju gat og situr þar naglstúfur. Hæð hennar er 1.3 sm, br. 2 sm, þ. um 0.4 sm. c. Beltisstokkur af sömu gerð og a og b hér á undan. Lengd 4.8 sm, br. 1.4 sm. Gengur lykkja út við bæði horn á öðrum enda, en hinum megin er lykkja slík á enda miðjum. Áletrun af sömu gerð og á stokkum a og b, en á sérstakri (?) þynnu, sem fest er með nöglum á bakþynnu og lykkjusprota. Virðist ef til vill mega lesa: ert. Mjór bekkur er með langbrúnum að ofan og neðan. d. Brot af beltisstokk, annar endinn, og er á ein lykkja við miðjan enda. Þar sem ekki er brotið af. Lengd um 3.9 sm, br. mest 1.5 sm, þ. öll 1.5 sm. Tvær látúnsþynnur og plötuáfella úr látúni ofan á. Hér eru á framhlið tveir stafir sams konar áletrunar og er á ofantöldum stokkum, mjór bekkur gerður ofan við línuna og fyrir neðan. Skraut er við enda leturlínanna á stokkum þessum. Bakhlið er óskreytt. Þeir eru rauðleitir nokkuð og dökkir, orðnir mjög máðir og eyddir. Á tengiplötunni er dökkgrænn litur. Hlutir þessir fundust í tvennu lagi í svonefndum Ljóskollabrekkum, nálægt upptökum Stokkalækjar á Rangárvöllum. Gætu þeir verið frá seinni hluta miðalda. Sbr. Þjms. 834, 7503, 7736, 9318, 2015, 10956, 12088, 13378.

Main information

Donor: Lýður Skúlason

Material

Ólífræn efni, Málmur, Látún

Object-related numbers

Museumnumber a: 15306 "Museumnumber b": 1953-38

Place

Staður: Keldur, 851-Hellu, Rangárþing ytra

Record type

Artifact

Collection

Undirskrá: Munasafn

Keywords

Keyword: Beltisstokkur

Place of origin

63°49'20.4"N 20°4'27.6"W