Altaristafla
1700 - 1740
In preservation at
National Museum of Iceland
Úr aðfangabók:
Altaristafla, lýsing Matthíasar Þórðarsonar á gömlum gripum í Hólskirkju 17. ág. 1913: [Altaristafla Lofað 25 kr. gömul og ofantekin, með vængjum. A aðaltöflunni er máluð kvöldmáltíðin, framan á vinstra væng er fæðingin og innan á honum er skírnin, innan á hægra væng er krossfestingin, en framan(utan) á honum er upprisan; myndirnar eru fremur illa málaðar. Áletranir á latinu undir, Christus natus o.s.frv., með tilvísunum í guðspjöllin.
Prjedikunarstóll Lofað 25 kr. með ámáluðum myndum af guðspjallamönnunum og „SALWATER MUNDI“. (Þessir 2 gripir gangi til Þjms. sem fyrst).] Kom í nov. 1915. til Þjms. Hökullin látinn til Eiríksstaðakirkju endurbættur.
Úr Mynd á þili: (Texti Þóru Kristjánsdóttur)
Rannsóknir á verkum Hjalta Þorsteinssonar hafa leitt til þess að fleiri verk hafa fundist sem telja má öruggt að hann hafi gert. Þar á meðal er altaristafla sem hann hefur málað fyrir Hólskirkju í Bolungarvík, á fyrri hluta 18. aldar.
„Altaristaflan kom í safnið árið 1915 og var þá fremur illa farin og aldrei höfð til sýnis. Matthías Þórðarson skráði hana stuttlega í safnið og skrifar þar: „... myndirnar fremur illa málaðar“. Taflan er öll mjög dökk með svörtum rammalistum. Miðmynd töflunnar er af Kristi og lærisveinunum við síðustu kvöldmáltíðina og er mjög lík kvöldmáltíðarmyndinni á Garpsdalstöflunni. Andlitsdrættir mannanna eru þeir sömu. Framan á vængjunum eru málverk af skírn Krists og upprisu en að innan af fæðingunni og krossfestingunni. Áletranir á latínu eru undir myndunum. Þessi tafla er eftir séra Hjalta ,á því er enginn vafi, og það er mjög ánægjulegt að í fórum safnsins skuli hafa fundist áður óþekkt verk eftir hann, ekki síst altaristafla, því að engin slík var áður þekkt í safninu.“ Sjá frekari umfjöllun um verk Hjalta Þorsteinssonar í Mynd á þili, bls. 90 - 105.
(Sett inn af Sigrúnu Blöndal, 11.10.2010)
Main information
Hjalti Þorsteinsson, Attributed
Dating
1700 - 1740
Object-related numbers
Museumnumber a: 7162
"Museumnumber b": 1916-92
Dimensions
88 x 112 x 10 cm
Lengd: 88 Breidd: 112 Hæð: 10 cm
Place
Staður: Hólskirkja við Bolungarvík, Bolungarvíkurkirkja, 415-Bolungarvík, Bolungarvíkurkaupstaður
Record type
Collection
Undirskrá: Munasafn
Keywords
Keyword: Altaristafla
References
Þóra Kristjánsdóttir. Mynd á þili. Reykjavík, 2005; 90 - 105.
Kirkjur Íslands, 12.bindi. Ritstjórar: Jón Torfason, Þorsteinn Gunnarsson. Reykjavík, 2008.
Place of origin
66°9'13.1"N 23°15'32.2"W