Hlíf, skráð e. hlutv.

1955 - 1975

In preservation at

Hlífar fyrir hné, hendur og tær, - útbúnaður sem notaður var við þjálfun hjá Jóni Þorsteinssyni íþróttakennara (f. 1898, d. 1985). Hlífarnar voru notaðar í bakæfingum og sjúkraleikfimi, þegar sá sem þjálfa átti lá á fjórum fótum. Hafði hann þá stærstu hlífarnar á hnjám en þær minni á höndum og tám. Hnjáhlífarnar eru ferhyrndar, úr mórauðu prjónlesi, fóðraðar á annarri hliðinni (þeirri sem snýr að hnjánum) með bláu flaueli. Inni í þeim er þykkt stopp. Hvor hlífin er fest á fótinn með svartri og hvítri teygju sem brugðið er aftur fyrir fótlegginn og hneppt með einni tölu á gagnstæðri brún. Handhlífarnar eru einnig ferhyrndar, neðri hliðin (sú sem snýr niður) er úr svörtu og hvítu ullarefni en sú efri úr svörtu ullarefni og með þverbandi sem höndum er stungið undir svo hlífarnar haldist á höndum. Táhlífarnar eru úr svörtu ullarefni, sniðnar í boga og ná vel upp á ristina. Á hvorri hlíf er áföst svört og hvít teygja sem brugðið er aftur fyrir hælinn til að halda hlífunum á fótum. Jón Þorsteinsson kenndi m.a. glímu, leikfimi, Müllersæfingar og sund og stofnaði íþróttaskóla í Reykjavík sem að mestu var fyrir sjúkraleikfimi. Hann byggði skólahúsið, sem stendur enn við Lindargötu 7 og er nú í umsjá Þjóðleikhússins (m.a. sýningarsalir sem kallaðir eru „Kassinn“ og „Kúlan“, áður litla svið Þjóðleikhússins).

Main information

Donor: Fríða frænka - verslun

Dating

1955 - 1975

Material

Lífræn efni, Textíll, Náttúruleg vefjarefni, Ullarefni

Object-related numbers

"Museumnumber b": 2004-5

Dimensions

32 x 18.5 x 3 cm Lengd: 32 Breidd: 18.5 Hæð: 3 cm

Record type

Artifact

Collection

Undirskrá: Munasafn

Keywords

Keyword: Hlíf, skráð e. hlutv.

References

Upplýsingar eru fengnar hjá Margréti Gísladóttur, textílforverði á Þjóðminjasafninu en systir hennar, Anna, kenndi lengi leikfimi hjá Jóni Þorsteinssyni.