Go Back To Search
Do you know more?

Taska, óþ. notkun

1971
In preservation at
National Museum of Iceland
Fremur stór handtaska úr hvítu gerviefni. Hún er merkt IRAN AIR og er með einkennismerki flugfélagsins í dökkbláum lit. Hún er með rennilás, tveimur höldum og á annarri hliðinni er aukahólf með loki með ól og sylgju sem hefur verið smellt aftur. Móttak smellunnar er nú farið af. Taskan er eilítið óhrein, það sést að hún hefur nokkuð mikið verið notuð, nokkrar tennur eru dottnar úr rennilásnum en annars er hún í ágætis ástandi. Gefandi er Þór Jakobsson veðurfræðingur. Töskuna fengu foreldrar hans, sr. Jakob Jónsson og Þóra Einarsdóttir, að gjöf á ráðstefnu sem keisarinn í Íran bauð þeim að taka þátt í árið 1971. Á töskunni er stimpill með merki þessara hátíðahalda. Nokkrum árum síðar hröklaðist keisarinn frá völdum og við tók múslímskt klerkaveldi í Íran. Á síðari árum notaði dóttir Þórs, Þóra, töskuna, og hefur hún merkt hana sér að innanverðu: THORA J. Í meðfylgjandi gjafabréfi frá Þór segir m.a. (varðveitt í fylgiskjölum aðfangabókar): „Í fórum mínum hefur verið handtaska sem foreldrar mínir, sr. Jakob Jónsson, dr. theol., og Þóra Einarsdóttir, fengu ásamt öðrum gjöfum að loknum hátíðahöldum, þar á meðal vísindalegum ráðstefnum, sem þeim var boðið að taka þátt í af keisaranum í Íran árið 1971. Var það „minningarár um hinn fyrsta Persakonung, sem uppi var fyrir hálfu þriðja árþúsundi“, eins og segir í minningabrotum föður míns, „Frá sólarupprás til sólarlags“ (1981). Segir í bókinni nánar frá heimboði stjórnvalda í Íran en faðir minn flutti þar erindi er hann nefndi "Cyrus in Icelandic Epics", sjá kaflann „Íran“ (bls. 216) og mynd (bls. 129). Keisarinn hröklaðist frá völdum nokkrum árum síðar og við tók múslímskt klerkaveldi. Handtaskan er í sjálfu sér einfaldrar gerðar en er stimpluð merki hátíðahaldanna. Nú spyr ég hvort Þjóðminjasafnið vilji þiggja töskuna. Hún er lítill vitnisburður um þátttöku íslensks fræðimanns í fyrirferðarmiklum hátíðahöldum Íranskeisara. Virðingarfyllst, Þór Jakobsson veðurfræðingur“ Með fylgir ljósrit af þeim blaðsíðum í endurminningabók Jakobs sem Þór nefnir í bréfi sínu (geymt í möppu: fylgiskjöl aðfangabókar).

Main information

Dating
1971
Material
Object-related numbers
"Museumnumber b": 2009-20
Dimensions
32 x 13 x 46 cm Lengd: 32 Breidd: 13 Hæð: 46 cm
Record type
Collection
Undirskrá: Munasafn
Keywords