Go Back To Search
Do you know more?

Teikning, listræn

1861
In preservation at
National Museum of Iceland
Frumteikningar Arngríms Gíslasonar málara af flestum gripunum sem fundust í Baldursheimskumlinu á árunum 1860 og 1861 (Þjms. 1-11). Þetta eru blýantsteikningar á ljósan pappír, alls 7 blöð með myndum af 8 gripum úr kumlinu. Teikningarnar gerði Arngrímur árið 1861. Haugféð úr kumlinu að Baldursheimi varð stofngjöf til Forngripasafnsins. Sigurður Guðmundsson málari hafði frétt af fundi gripanna og hafði samband við Jón Sigurðsson alþingismann á Gautlöndum. Jón fékk Arngrím Gíslason málara til að taka saman skýrslu um fundinn og gera teikningar af gripunum. Sigurður málari fékk svo gögnin í hendur og birti skýrslu Arngríms í Þjóðólfi árið 1862. Í kjölfarið skrifaði Sigurður í Þjóðólf hvatningu til þjóðarinnar um að stofna forngripasafn. Það var svo formlega stofnað 24. febrúar ári 1963. Teikningarnar voru afhentar Þjóðminjasafni árið 1916 en voru aldrei skráðar inn í safnið. Nú var ákveðið að þær yrðu skráðar meðal annarra muna. Rétt er að geta þess að þegar Kristján Eldjárn skrifaði bók sína um Arngrím málara, sem kom út árið 1983, þá fundust teikningarnar ekki. Kristján skrifar um þær og birtinguna á skýrslu Arngríms í Þjóðólfi en þar sem teikningarnar fundust ekki reyndist ekki unnt að birta myndir af þeim í bók Kristjáns. Þær fundust svo nokkrum árum eftir dauða Kristjáns. Teikningarnar eru allar merktar Arngrími og ártalinu 1861. Þær eru númeraðar frá 1 og upp í 8 og sýna eftirtalda gripi: No. 1 Mynd af hnefanum úr hneftaflinu í fullri stærð (9,7 x 8,7 cm) (Þjms. 6). No. 2 Hægri hlið hnefans úr hneftaflinu (9,9 x 9 cm) (Þjms. 6). No. 3 Teikning af spjótinu í fullri stærð (10,9 x 45,3 cm) (Þjms. 3). No. 4 Teikning af mélinu í fullri stærð (12,8 x 23 cm) (Þjms. 10). No. 5 Teikning af axarleifunum í fullri stærð (12,5 x 20,5) (Þjms. 5). No. 6 Teikning af sverðinu í fullri stærð (89,9 x 11,8 cm) (Þjms. 2). No. 7 (teikningar 7 og 8 eru á sama blaði: 7/10 x  23 cm) Teikning af einni töflu úr hneftaflinu í fullri stærð (Þjms. 1b). No. 8 (teikningar 7 og 8 eru á sama blaði: 7/10 x  23 cm) Teikning af teningnum í fullri stærð (Þjms. 1a). Á meðfylgjandi umslag, sem teikningarnar voru um áratugabil varðveittar í, hefur Matthías Þórðarson skrifað: Frumteikningar Arngríms málara Gíslasonar af gripum úr Baldursheimsfundinum, gerðar 1861. Sbr. Skýrslu I, bls 7. Komnar til Skjalasafnsins 1916 meðal brjefa til Jóns Sigurðssonar og afhentar Þjóðmenjasafninu til eignar af Þjóðskjalaverðinum 6.VIII.1916. Matthías Þórðarson

Main information

Dating
1861
Material
Object-related numbers
"Museumnumber b": 2004-46
Record type
Collection
Undirskrá: Munasafn
Keywords
References
Kristján Eldjárn, Arngrímur málari, Iðunn, Reykjavík, 1983, bls. 95-96.