Mynd, sem veggskraut
1935 - 1938

In preservation at
National Museum of Iceland
Útsaumuð mynd af ímynduðum íslenskum sveitabæ. Myndin er saumuð með listsaumi úr íslensku ullarbandi sem Þórdís Egilsdóttir vann sjálf. Hún kembdi, spann og litaði að mestu með jurtalitum. Fyrirmyndina teiknaði Ríkarður Jónsson myndskeri eftir hennar fyrirsögn. Á myndinni er burstabær sem stendur í hlíð og eru jafnframt útihús sjáanleg. Garður er frammi á hlaði en fólk er við heyvinnu á túninu fremst á myndinni.
Þórdís lauk við myndina 1938 en 1930 hafði hún saumað mynd af íslenskri baðstofu sem einnig var eftir fyrirmynd Ríkarðs. Báðar þessar myndir voru á heimssýningunni í New York 1939 en íslenska ríkið keypti þær 1944. Baðstofumyndin hefur hangið í húsakynnum forseta Íslands á Bessastöðum.
Myndin er heil en orðin upplituð.
Í tímaritinu Fálkanum, 27.1.1939, bls. 3, er fjallað um listsaumuðu veggteppin tvö. Þar segir m.a.:
"Bæði eru teppin hin mestu listaverk og bera vott um frábæran hagleik frú Þórdísar, sem hefir saumað þau. Bæði sýna teppin íslenskt atvinnulíf eins og það leit út á íslenskum sveitabæjum á síðari hluta 19. aldar. [...] Baðstofuteppið er saumað eftir teikningu Ríkarðs Jónssonar listamanns og var það tilbúið frá hendi frú Þórdísar fyrir alþingishátíðarárið, og var sýnt á Landsýningunni og hlaut þar hið mesta lof. Hitt veggteppið sýnir sveitabæ að sumarlagi og fólkið önnum kafið við heyvinnuna. Fyrir ofan bæinn rís fjallið hátt og sviptigið og til vinstri handar veltist hvítfyssandi áin niður hlíðarnar. Fólkið vinnur í ákafa í þurheyinu á túninu, rakar saman, saxar föng, sætir, bindur og flytur heim. Gera má ráð fyrir að þetta teppi, sem er miklu nýrra, muni vekja meiri athygli en hitt, þó að það sje prýðilega gert. Teikningu að þessu teppi hafa þeir gert í fjelagi Ríkarður Jónsson og Gunnar Klængsson teiknikennari á Ísafirði."
Main information
Þórdís Egilsdóttir, Attributed
Dating
1935 - 1938
Material
Object-related numbers
"Museumnumber b": 2000-21
Dimensions
118 x 155 cm
Lengd: 118 Breidd: 155 cm
Record type
Collection
Undirskrá: Munasafn
Keywords



