Klyfberi

In preservation at

Klyfberi, smíðaður úr furu, og með hleypiklökkum, sama lagið og á næsta númeri á undan. Lengd hans 42,4 cm , breidd 37,8 cm að framan, en að aftanverðu 43,5 cm. Hliðarfjalir, breidd þeirra mest 6,4 cm, mest þykkt liðlega 5 cm, sveigjast inn fremst, boginn er tappaður í þær, og ná endar út, en að auki fest með trétittum, er breidd boga mest 7,9 cm, mest þykkt 5,5 cm, og hæð undir við miðju um 10 cm. Klakkarnir eru tveir, úr sívölum járnteini, og felldir í spengur úr járni, snúast þær í lykkjum við ytri enda og liggja hvor yfir aðra í miðju, annar klakkannna 7,8 cm á hæð frá spöng, þvermál 1,2 cm, hinn um 10 cm á hæð, þvermál 1,6 cm. Ofan á framanverðum boga og í miðju er hespa í lykkju, er hún látin yfir enda spanganna, en á brún andsæpnis spangarstúfur, sem setja má yfir hespu þessa. Tvö göt eru boruð gegnum hliðarfjalirnar, tvö og tvö, að framan og aftan, snúruspottar eru í hinum fremri, og öðru megin stutt ól með götum. Járnkengur er í efri brún boga hjá miðju. Klyfberi þessi er sprunginn nokkuð og óhreinn, úr hefur eyðst, járn er ryðgað orðið, klakkarnir sveigðir, en ól stirð. Úr búi tengdaföður gefanda, Sigurpáls Þorsteinssonar að Hóli í Breiðadal. Mun nokkuð eldri en næsta númer á undan.

Main information

Donor: Magnús Þórarinsson

Material

Lífræn efni, Viður, Fura

Object-related numbers

"Museumnumber b": 1965-300

Dimensions

42.4 x 43.5 x 0 cm Lengd: 42.4 Breidd: 43.5 Hæð: 0 cm

Record type

Artifact

Collection

Undirskrá: Munasafn

Keywords

Keyword: Klyfberi