Fjöl, úr kirkju

1600 - 1700

In preservation at

Furufjöl, l. 130,7 cm., br. 21,4 og þ. 2,8 cm.; vantar af báðum endum. Bakið er sljett og hefluð strik við brúnir. Í neðri rönd eru 7 grópir og hafa þar í staðið rimlaendar (,,pílárar"). Á framhlið er skorin áletrun með höfðaletri og ná stafirnir yfir þvera fjölina, en í gegnum þá eru dregin svo sem tvö bönd; er áletrunin svo: [lof] ed / gud / i / hans / helgidom hans krisne [r menn a jördu]; er þetta upphaf 1. er. á sálminum alkunna, sem fyrst var prentaður hjer í sálmabókinni, sem gefin var út á Hólum 1619, bls. 213 b - 214 a; hann er frumkveðinn á þýzku af Burkard Waldis ( ca. 1490-1556 eða '57). 1) Fjölin er úr kirkju á Keldum. Hún er að líkindum frá 17. öld. 1). Magnúsi Kfr. Stephensen er hann eignaður eða þýðing hans í sálmabókum frá fyrri hluta 19. aldar; sú þýðing ( í sálmab. frá 1801) er þó lítið breytt en 4. er. er þar alt annað.