Order a photo Terms of Use

Kistill, + hlutv.

1809

In preservation at

National Museum of Iceland

Kistill úr furu geirnegldur og allur málaður utan, með margvíslegu litu blómskrauti á svörtum grunni. L. 39,4, br. 23,5, h. undir lok 20,3, þ. þess 1,3. Lamir og skrá úr járni, lykill og skráarlauf úr látúni. Útskorin blómkringla negld ofan á lokið. Innaná lokið eru málaðir skrautlega stafirnir A W D, þ.e. Anna Vernharðsdóttir: hún er húsfreyja á Laugarvatni. Fyrir neðan stafina er málað ártalið 1809. Handraði er vinstra megin í kistlinum og skotald undir. Lokið á handraðanum er og skrautmálað. Kistill þessi var raunar gefinn safninu 10. okt. 1918, en dregið að gefnu tilefni að skrásetja hann og tölusetja meðal gripa þess. Þessi kistill er greinilega eftir Ófeig Jónsson í Heiðarbæ. Lánaður Böðvar á Laugarvatni gegn skuldbindingarskjali um afhendingu kistilsins til safnsins. Afhent 29.7. 1968 af ekkju Böðvars. E.E.G. Skjal með viðbótarupplýsingum um kistilinn lá í honum (var sett í möppu: Fylgiskjöl Aðfangabókar á númerið 8283 og dags. 13.5.1921). Á því stendur: Fyrsti eigandi þessa kassa var húsfrú Anna Vernharðsdóttir á Laugarvatni Árn. f. 1789. dóttir Vernharðs Gunnarssona Högnasonar lögr.m. á Laugarvatni. (Sennilega brúðargjöf til Önnu) Kassann smíðaði og málaði Ófeigur Jónsson bóndi Heiðarbæ í Þingvallasveit, sem var bróðir Magnúsar Jónsson bonda að Laugarvatni manns Önnu Voru þeir frá Búrfelli í Grímsnesi. Ófeigur málaði altaristoflu (Kveldmáltíðin) sem hangir í Miðdals-kirkju. og skrautritaði Grafskrift um Vernharð lögr.m. Gunnarsson á Laugarvatni, sem nú er í byggðasafninu á Selfossi. Eigendur kassans á eftir Önnu Vernharðsd. voru dóttir hennar Ingunn Magnúsd. frá Laugarv. næst hennar dóttir Ragnheiður Guðmundsd. húsfrú á Laugarvatni og að lokum Anna Eyjólfsdóttir dóttir Ragnh. lausakona frá Laugarvatni. Ingunn Eyjólfsdóttir Laugarvatni. Á öðrum miða er þetta skrifað: Eftir Ófeig Jónsson er einnig kirkjubitinn frá Búrfelli, sem nú er í safninu á Selfossi (Ófeigur var bróðir Björns Jónssonar á Búrfelli), skrautmálaðar stoðir uppi á loftinu í Þingvallakirkju og málaður biti milli þils og veggjar í framhlið Úlfljótsvatnskirkju. Þetta eftir frásögn Skúla Helgasonar.