Orgel
In preservation at
National Museum of Iceland
Orgel ( harmonium ), íslenzkt, smíðað af Einari Einarssyni frá Laxárdal* [þá 19 ára gömlum], sem mun hafa gert nokkur slík hljóðfæri og þó víst ekki að öllu leyti. Það er með 4 oktövum og 4 registrum. Á nótunum er hvítt bein og svart trje, svo sem venja er. Kassinn er úr furu og lokið nýtt, alt eikarmálað: hann er 95 að l. og 50 að br. efst: h. 89. Rendar súlur eru framaná, yzt til beggja handa. Belgirnir og fleira er nú skemt, svo að ekki verður leikið á orgelið án aðgerðar.
Í bókinni Nokkrar Árnesingaættir, ættaskrá og niðjatal, kemur m.a. fram:Einar var fæddur í Laxárdal í Eystrihrepp. Árið 1880 tók hann við búi af móður sinni þar en árið 1883 hætti hann búskap og fluttist til Hafnarfjarðar með fjölskyldu sinni og bjó þar og starfaði til dauðadags. Einar var organisti í Garðakirkju og Bessastaðakirkju og kenndi söng við gamla gagnfræðaskólann í Flensborg í Hafnarfirði um skeið. Þetta voru þó hvort tveggja aukastörf. Aðallega lagði hann stund á allskonar smíði, var talinn þjóðhagasmiður og jafnvígur á tré, kopar og járn. Smíðaði m.a. saumavél að öllu leyti, prjónavél og 16 orgel, þar af 10 sem fóru í kirkjur landsins. Fyrsta orgelið smíðaði hann heima í Laxárdal, þá 19 ára gamall. „Seinast var það orgel í rusli á fornminjasafninu“. (Hér mun átt við þetta orgel, nr. 8426).
Main information
Einar Einarsson, Attributed
Material
Object-related numbers
Museumnumber a: 8426
"Museumnumber b": 1921-204
Dimensions
95 x 50 x 89 cm
Lengd: 95 Breidd: 50 Hæð: 89 cm
Record type
Collection
Undirskrá: Munasafn
Keywords
Keyword: Orgel
References
Nokkrar Árnesingaættir, ættaskrá og niðjatal. Tekið saman og skrásett af Sigurði E. Hlíðar, yfirdýralækni. Reykjavík 1956, bls. 10-11.