Go Back To Search
Do you know more?

Skál, óþ. hlutv.

1550 - 1627
In preservation at
National Museum of Iceland
Skál úr fílabeini. Hún er allsmekklega skorin, og öll með sirkluðum og gröfnum hríngum. Hún er annars vegar með krínglóttum snúnum hánka, en hins vegar með sporði til að halda í. Hann er gagnskorinn, sem bandi væri brugðið í knút. Skálin er 3 þumlúngar á breidd, en tæpar 6 línur á dýpt. Engi stétt er að neðan. Skál þessi eða staup á að hafa verið hin daglega brennivínsskál Guðbrands biskups, og á hann að hafa smíðað hana: þykir mér það eigi ólíklegt, enda er hún úr eign ættmanna hans, og á að hafa gengið í erfðir mann frá manni þannig, sem ættartafla þessi (eptir Brynjólf Benediktsem í Flatey ) sýnir: Guðbrandur biskup Þorláksson. \Y Kristín Guðbrandsdóttir - Ari sýslumaður í Ögri, Magnússon. \Y Magnús sýslumaður Arason - Þórunn ríka á Reykhólum. \Y Jón sýslumaður Magnússon á Reykhólum og Miðhúsum - Jórunn Magnúsdóttir. \Y Ragnheiður Jónsdóttir - Einar prestur Torfason á Stað. \Y Einar (ýngri) Einarsson lögréttumaður á Svínanesi - Guðrún Þorsteinsdóttir. \Y Einar Einarsson lögréttumaður á Svínanesi - Sesselja Finnsdóttir. \Y Einar Einarsson á Svínanesi - Karítas Þorláksdóttir frá Látrum. \Y Einar Einarsson á Svínanesi - Guðrún Gunnarsdóttir. Hjá Guðrúnu húsfreyju, ekkju hins síðast nefnda Einars á Svínanesi, er dó rúmlega sjötugur í Juli 1860, fékk síra Ólafur skál þessa. Líkt lag var á drykkjarkerum Forn-Grikkja, og opt hefir tíðkazt hér á landi að hafa silfurskálar (eða silfurstaup) með þessu flata lagi, og hafa þær verið til hér og þar, enda sést á Háttatali Snorra Sturlusonar, að skálar hafa verið til á öndverðri þrettándu öld í Noregi, er hann segir: greipum mætir gullin skál, gumnum sendir rínar bál 1), o.s.frv., og laungu fyrr hafa þær tíðkazt (Atlakviða 10, Atlamál 79, Hamdismál 24, Völundarkviða 23, 33). Af þessu lagi drykkjarkeranna (skálarlagi) munu hafa myndazt orðtækin: að drekka hjónaskál, mæla fyrir skálum, o. s. frv. 1). Háttatal Snorra, í Snorra-EdduI., 708.

Main information

Dating
1550 - 1627
Material
Object-related numbers
Museumnumber a: 253 "Museumnumber b": 1865-61
Dimensions
11.7 x 1.6 x 7.5 cm Lengd: 11.7 Breidd: 1.6 Hæð: 7.5 cm
Place
Staður: Hóladómkirkja, Hólar í Hjaltadal, 551-Sauðárkróki, Skagafjörður
Exhibition text
Vínskál skorin úr fílabeini, sögð smíðuð af Guðbrandi biskupi Þorlákssyni á Hólum, d. 1627. Á að hafa verið dagleg vínskál biskups og er ferill hennar rakinn meðal afkomenda hans. 253 Vínskál skorin úr fílabeini, sögð smíðuð af Guðbrandi biskupi Þorlákssyni á Hólum, d. 1627, hafi verið dagleg vínskál biskups og er ferill hennar rakinn meðal afkomenda hans. Spjaldtexti: Lítil vínskál úr fílabeini, talin úr eigu Guðbrands biskups. Small, ivory wine cup, said to have belonged to Bishop Guðbrandur.
Record type
Collection
Undirskrá: Munasafn
Keywords

Place of origin

65°44'0.1"N 19°6'50.8"W