Go Back To Search
Do you know more?

Belti

1875 - 1885
In preservation at
National Museum of Iceland
Belti úr svörtu flaueli og saumað með brúnum með silfurþræði. Bakhlið er fóðruð með rauðu efni með blómamynstri. Á beltinu er beltispar (beltisspenna) úr gylltu silfri sem útbúið er úr alls sex hnöppum, þremur á hvorum enda beltisins. Hnapparnir eru hálfkúlulaga, með kornsettu víravirki og á hverjum hnappi er lauf úr víravirki. Á beltisparinu er lykkja annars vegar og krækja hins vegar. Að auki fylgir stakur hnappur, einnig úr kornsettu víravirki en þó ekki eins og hinir hnapparnir. Hann er að auki eilítið stærri og laufið á honum er frábrugðið laufum hinna hnappanna. Á beltið eru saumaðir 12 tígullaga stokkar, steyptir úr silfri, gylltu. Að auki fylgir einn samskonar stokkur með. Silfrið er smíðað af Jóni Bernharðssyni gull- og silfursmið í Laxnesi í Mosfellssveit. Beltið er hluti af heilum skautbúningi nr. 2007-11-1 til og með 8. Búninginn saumaði Guðrún Gísladóttir frá Villingavatni, f. 1815, d. 1889. Hún var gift Birni Björnssyni, bónda í Heiðarbæ og Helgadal. Guðrún saumaði búninginn handa yngstu dóttur sinni, Þórunni. Hún var fædd árið 1856, d. 1949, og því má ætla að búningurinn sé frá því um 1875-1885. Gefandi er Guðrún Eiríksdóttir, f. 31.10.1930. Auk skautbúningsins gaf hún safninu peysuföt, dagtreyju og sjöl (sjá Þjms. 2007-11-9 o.áfr.).

Main information

Dating
1875 - 1885
Material
Object-related numbers
"Museumnumber b": 2007-11-7
Dimensions
65 x 3.3 x 0 cm Lengd: 65 Breidd: 3.3 Hæð: 0 cm
Record type
Collection
Undirskrá: Munasafn
Keywords
Keyword: Belti