Bollastell
1930
In preservation at
National Museum of Iceland
Bollastell úr hvítu postulíni; 6 mokkabollar og jafn margar undirskálar, í upprunalegum umbúðum sem er svört taska. Lokið er fóðrað með ljósu silki. Í botninn, sem klæddur er ljósu flaueli, er skorið úr fyrir hverjum bolla og hverri undirskál. Stellið er hluti af þeim borðbúnaði sem var sérstaklega hannaður og framleiddur í tilefni af 1000 ára afmæli Alþingis Íslendinga árið 1930 (Alþingishátíðarstell). Stellið er alveg heilt, utan þess að einn bollinn hefur einhvern tíma brotnað og hefur verið spengdur saman. Stellið er framleitt af Kaestner Saxonia í Þýskalandi. Stimpill fyrirtækisins, tvö sverð í kross og kóróna fyrir ofan, allt í grænum lit, er undir hverjum hlut stellsins. Á undirskálunum er að auki gylltur hringur fyrir neðan stimpilinn. Bollarnir eru 4,9 cm í þvermál og 5 cm á hæð. Undirskálarnar eru 10,8 cm í þvermál. Á bollunum er prentuð höfðaletursrönd í bláum lit. Þar stendur: ALÞINGISHATIDIN 1930. Á hankanum er einnig mjó blá rönd. Á undirskálunum er merki alþingishátíðarinnar í miðjunni og með skálarbrúninni er höfðaleturslína; fyrir ofan merkið stendur: ISLAND og fyrir neðan merkið: 930-1930. Allt er þetta í bláum lit.
Stellið keypti Sigríður Bachman, fyrrum forstöðukona Landspítalans, árið 1930 og gaf þau vinkonu sinni, sbr. eftirfarandi bréf frá gefanda (varðveitt í möppu: Fylgiskjöl Aðfangabókar):
„Saga bollastellsins
Sigríður Bachman, f. 30.08.1901, d. 10.08.1990. frv. forstöðukona Landspítalns (sjá Hjúkrunartalið v/æviágrip Sigríðar) keypti bollastellið árið 1930 og gaf það Muriel ........?, vinkonu sinni og skólasystur frá London, en Muriel bjó lengst af í bænum Guildford í Surrey á Englandi.
Árið 1984, þegar Muriel var komin yfir áttrætt, flutti hún í minna húsnæði og þar sem hún gerði ekki ráð fyrir að afkomendur sínir hefðu sögulegan skilning á bollastellinu ákvað hún að gefa Sigríði það til baka aftur og þannig komst það í mína eigu eftir andlát Sigríðar árið 1990.
Petrína Bachman f. 05.05.1953“
„Hönnuður er Björn Björnsson, gullsmiður og teiknikennari. (1886-1939).“ (GBJ 2023)
Main information
Dating
1930
Material
Object-related numbers
"Museumnumber b": 2004-20
Dimensions
37.3 x 27.2 x 9.9 cm
Lengd: 37.3 Breidd: 27.2 Hæð: 9.9 cm
Record type
Collection
Undirskrá: Munasafn
Keywords
Keyword: Bollastell
References
Magnús Jónsson, Alþingishátíðin 1930, Reykjavík, 1943.
Um Sigríði Bachman, sjá Hjúkrunarkvennatal, útg. 1969.