Go Back To Search
Do you know more?

Minningarskjöldur, + tilefni

1942
In preservation at
National Museum of Iceland
Minningarskjöldur úr silfri á svörtum, ferhyrndum satínpúða með snúru umhverfis. Efst á skildinum er kross og aftan við hann sól sem teygir geisla sína niður undan krossinum. Á skjöldinn er grafið: Ólafur Kalstað Þorvarðsson forstjóri f. 15. jan. 1911 - d. 10. des. 1942 Kveðja frá Knattspyrnufél. Fram Skjöldurinn er í góðu ástandi en töluvert hefur fallið á silfrið. Með skildinum fylgdi opna úr Þjóðviljanum frá 18. desember 1942 þar sem er lítil frétt um útför Ólafs: Jarðarför Ólafs Þorvarðarsonar fór fram í gær. Jarðarför Ólafs Þorvarðarsonar forstjóra Sundhallarinnar fór fram í gær að viðstöddu miklu fjölmenni. Íþróttamenn söfnuðust saman við Sundhöllina og gengu þaðan í skrúðgöngu að heimili hins látna og var á annað hundrað manna í skrúðgöngunni. Einnig gengu þeir á undan kistunni, undir íslenzkum fánum. Út frá heimili hins látna, báru kistuna nánustu vinir hans, en inn í kirkjuna báru kistuna forseti Í.S.Í., formenn íþróttafélaganna í Rvík og formaður knattspyrnuráðs Reykjavíkur. Úr kirkjunni báru nánustu félagar hins látna í Fram. Síðasta spölinn báru kistuna starfsmenn Sundhallarinnar. Jarðarförin var fjölmenn og fór mjög hátíðlega fram. Gefandi er Sigríður Klemenzdóttir, Leifsgötu 18 í Reykjavík, en Ólafur var fyrri eiginmaður hennar. Inga Lára Baldvinsdóttir, fagstjóri Ljósmyndasafns Íslands, afhenti fyrir hönd Sigríðar.

Main information

Dating
1942
Material
Object-related numbers
"Museumnumber b": 2008-58
Dimensions
30 x 27 x 0 cm Lengd: 30 Breidd: 27 Hæð: 0 cm
Record type
Collection
Undirskrá: Munasafn
Keywords