Kistill, + hlutv.
1725 - 1800
In preservation at
National Museum of Iceland
„Kistill“ stór og breiðr enn ekki alldjúpr, 20 þuml. á lengd yfir lokið,
og 15½ á breidd, hann er allr útskorinn með rósum, mannamyndum og dýra, hann er
málaðr rauðr, grænn, gulur, blár, og hvítr. Á lokinu er mjög stórgerð blómstra
og blaðarós, er kemur upp úr stórum jurtapotti og breiðist um alt lokið. Á
framhliðinni eru um 2 hríngbogaport, í öðru stendr kona, enn í hinu karlmaðr,
hann hefir barettu á höfði með parrök undir, hann er í grænum rokk er slær sér
mjög út að neðan, er einhneptr, með stórum uppslögum, hann er í hvítum sokkum,
synist vera, nærskornum, og með svarta skó á fótum. Konan hefir uppsett hár,
með stórann brúsk eða skúf uppaf höfðinu, er stendr út: hún er í grænum upphlut
með ákaflega stórri höfuðsmátt er nær út á axlir og niðr fyrir brjóst, og þar
hefir hún hnítt rauðri blæju, hann er með hálfermum mjög víðum að framan: konan
er í rauðu pilsi með miklum fellíngum og slær sér mjög út að neðan, hún synist
hafa hvíta svuntu mjóa. Myndirnar eru yfir höfuð vel gerðar nema andlitin,
enda eru þau farin að skemast. Þetta eru búningar er tíðkuðust hér á heldri
mönnum um miðju 18. aldar. Á safninu eru margar mannamyndir bæði skornar,
saumaðar, og málaðar, er gefa miklar upplysíngar frá fyrri tíð um búnínga. Á
milli partanna eru rósir og annarskyns myndir: þetta er alt sett utaná. Á
öðrum gaflinum er hjörtr og dreki að etjast á að synist: á hinum gaflinum er
þarámóti ljón og hvítabjörn að fljúgast á, og stendr björninn uppá aptrfótunum:
þessar myndir eru furðanlega vel gerðar, og syna að höf. hefir haft allgóðar
hugmyndir.
Main information
Dating
1725 - 1800
Object-related numbers
Museumnumber a: 3325
"Museumnumber b": 1889-144
Dimensions
50.8 x 19.4 cm
Lengd: 50.8 Breidd: 19.4 cm
Place
Núverandi sveitarfélag: Sveitarfélagið Stykkishólmur, Sveitarfélagið Stykkishólmur
Record type
Collection
Undirskrá: Munasafn
Keywords
Keyword: Kistill, + hlutv.