Spjald, óþ. hlutv.
1788 - 1834
In preservation at
National Museum of Iceland
Spjald úr fíngerðum laufviði, sporöskjulagað, l. (h) 11 cm, br. 9,2 cm, þ. 0,8 cm. Á öðrum enda er áfast útskorið hnýti. Spjaldið er ágætlega útskorið að framan og er á það skorið, með upphækkuðu verki, skjaldarmerki. Skjöldurinn er rjetthyrndur að ofan, með beinum hliðum, neðri hornunum bogadregnum og smáoddi niður úr. Hann er helmingaður þversum og er efri hlutinn með skárákum, sem merkir purpuralit (fremur en grænan lit, samkvæmt stefnu rákanna, nema rangt sje skorið), en neðri helmingurinn er með lárjettum rákum og merkir það að hann sje blár. Ofan yfir þennan skjöld er sem lagður sje annar sporöskjulagaður og hann með lóðrjettum rákum, sem tákna rauðan lit (bendir það á að efri hluti undirskjaldarins hafi átt að vera grænn). Á yfirskjöldinn er dreginn hinn fornhelgi fimmhyrningur (pentagram) og á hann líklega að vera með silfurlit, því að hann er sljettur: smádoppur (naglahausar) eru á milli hornanna. Yfir skildinum er grímuhjálmur og á honum logandi kerti: en út frá hjálminum eru blómbogar, sem brugðið er upp í endann og hanga langir ávextir (?) niður með skildinum. Þessi skurður mun vera eptir Gunnlög Guðbrandsson Briem sýslumann, og kann vera að hann hafi gert þetta merki svo sem skjaldarmerki fyrir sig og máske afkomendur sína.
Main information
Dating
1788 - 1834
Material
Object-related numbers
Museumnumber a: 1751
"Museumnumber b": 1879-60
Dimensions
11 x 9.2 x 0.8 cm
Lengd: 11 Breidd: 9.2 Hæð: 0.8 cm
Record type
Collection
Undirskrá: Munasafn
Keywords