Go Back To Search
Do you know more?

Dúkka, skrautgripur

1930 - 1960
In preservation at
National Museum of Iceland
Þjóðbúningadúkka / -brúða á upphlut. Höfuð og hendur eru úr postulíni eða steinleir en handleggir, fótleggir, fætur og búkur eru úr klæði sem troðið er í til fyllingar. Dúkkan er væntanlega frá því um miðja tuttugustu öld. Hún er í bleikum hnésíðum nærbuxum úr bómullarefni og undirpilsi úr sama efni. Pilsið og upphluturinn eru úr svörtu gerviefni og skór, sem eru eftirlíkingar af sauðskinnskóm, eru úr sama efni. Svuntan og blússan eru úr hvítu (ljósu) gerviefni. Í stað brjóstnælu eru tvær pallíettur og perlur, festar yfir slaufu í íslensku fánalitunum (sem nú er mjög upplituð). Húfan er grunn skotthúfa úr sama efni og pilsið og upphluturinn. Skúfurinn er fremur langur og á mótum skotts og skúfs er skúfhólkur úr látúni. Beltið er úr gylltum málmvír og úr sama efni er skraut og reim framan á upphlutnum sem og í baki. Að framanverðu er einnig skraut úr brúnum eða bronslitum pallíettum og smáum perlum. Nokkrar pallíettur og perlur hafa losnað. Brúðan er með ljóst sítt hár í tveimur fléttum sem teknar eru upp og festar undir húfuna að aftan eins og löngum tíðkaðist. Höfuðið er málað. Málningin er eilítið farin að flagna í hnakkann og efst á hálsi að aftanverðu. Dúkkunni fylgir járnstandur en hún er þó fremur völt þegar henni er stillt á hann. Gefandi keypti dúkkuna á uppboðsvefnum www.e-bay.com. Hún vildi að brúðan yrði varðveitt á Íslandi og keypti hana sérstaklega til að færa safninu. Í bók sem hún hafði meðferðis þegar hún afhenti brúðuna („European Costumed Dolls“ e. Polly og Pam Judd, útgefin í Maryland í Bandaríkjunum árið 1994) er á bls. 67 umfjöllun og mynd af dúkku sem virðist gerð af sama manni. Sú er sögð gerð á Íslandi á 6. áratugi 20. aldar. Ljósrit úr bókinni eru varðveitt í möppu: Fylgiskjöl aðfangabókar. Þar eru einnig varðveitt ýmis önnur gögn sem fylgdu dúkkunni, svo sem kaupsamningurinn og fylgiskjöl vegna kaupanna í gegnum veraldarvefinn. Gefandi er Greta Björg Úlfsdóttir, en hún er mikil áhugamanneskja um brúður og brúðugerð. Við sama tækifæri gaf hún erlenda bók um brúðuviðgerðir sem skráð var í bókasafn Þjóðminjasafnsins.

Main information

Dating
1930 - 1960
Material
Object-related numbers
"Museumnumber b": 2009-18-1
Dimensions
42 x 0 x 0 cm Lengd: 42 Breidd: 0 Hæð: 0 cm
Record type
Collection
Undirskrá: Munasafn
Keywords
References
Judd, Polly and Pam. „European Costumed Dolls“. Maryland, USA 1994, bls. 67.