Go Back To Search
Do you know more?

Skál, óþ. hlutv.

1789
In preservation at
National Museum of Iceland
Lítil silfurskál, kandísskál, með tveimur höldum (eyrum) og á fjórum fótum. Skálin er um 16,3 cm breið með höldunum en yfir bumbuna er hún um 12,2 x 10 cm þar sem hún er breiðust. Hæð hennar með fótum er 7 cm. Skálin er mikið skreytt með blómum, borðum og fleiru. Á hvorri hlið eru upphleyptir hringir, væntanlega hugsaðir til að grafa fangamörk í. Annars vegar er grafið fangamarkið R. D. með punktamynstri en hinn hringurinn er ógrafinn. Skálin er smíðuð af Jóni Jónssyni (Jon Jonsen) gullsmiði í Kaupmannahöfn árið 1789, eins og stimplar á botni hennar sýna. Hún er í mjög góðu ástandi. Eigendur fægðu skálina vel áður en þeir gáfu hana til safnsins. Með skálinni fylgdi gjafabréf (sett í möppu: Fylgiskjöl Aðfangabókar): Gjafabréf Í tilefni opnunar Þjóðminjasafns Íslands 1. september á þessu ári þá viljum við undirrituð Margrét og Kristján Flygenring hér með afhenda Þjóðminjasafninu til eignar kandísskál úr silfri sem smíðuð var af íslendingnum Jóni Jónssyni (Jon Jonsen) sem starfaði í Kaupmannahöfn frá 1780 og eru þar meðal annars mörg verka hans til á mörgum dönskum söfnum. Jón Jónsson fæddist um 1750 og dó 1805. Jón lærði hjá íslendingnum Sigurði Þorsteinssyni (Sivert Thorsteinsson) gullsmíðameistara í Kaupmannahöfn og fékk Jón borgarabréf árið 1780. Kandisskálin er smíðuð 1789 og er hún með eftirtöldum stimplum: 1. Stimpillinn IIS-88 sem er gullsmíðameistarastimpill Jóns Jónssonar. 2. Gæðastimpill ríkiseftirlitsmannsins Fabricius. 3. Stimpillinn með skjaldarmerki Kaupmannahafnar sem er þriggja turna silfurmerki með ártalinu 89 undir turnunum. 4. Mánaðarstimpillinn með merki bogmannsins 22.11 - 21.12. Kandísskálin var keypt á uppboði hjá Bruun Rasmussen Kunstauktioner í Bredgade í Kaupmannahöfn í aprílmánuði 1992. Með bestu árnaðaróskum, Margrét og Kristján Flygenring. Einnig fylgdi ljósrit úr uppboðsskrá Bruun Rasmussen með eftirfarandi upplýsingum um skálina: 2252 Dansk Louis XVI kandisskål af sølv, ovalt korpus drevet og graveret med guirlander og medaillon med initialer R. D., to hanke drevet med blomster og bladværk på svejfede ben. Mester Jon Jonsen. København 1789. Vægt 220 gr. 6.000 / 5.000.

Main information

Dating
1789
Material
Object-related numbers
"Museumnumber b": 2004-19
Dimensions
16.3 x 10 x 7 cm 220 g Lengd: 16.3 Breidd: 10 Hæð: 7 cm
Record type
Collection
Undirskrá: Munasafn
Keywords