Blæja
1930
In preservation at
National Museum of Iceland
Blæja úr hvítu bómullartjulli sem
fylgir kyrtli nr. Þjms. 2007-27-1. Með brúnum blæjunnar er saumuð 7 cm
breið blúnda. Tjullið er í nokkuð góðu ástandi, en það er óhreint og á
því eru nokkur göt sem virðast hafa komið af núningi er blæjan hefur verið
samanbrotin um árabil. Gefandi er Sigurlaug Sæmundsdóttir (f. 1938), en
kyrtilbúningurinn var brúðarklæði móður hennar, Jórunnar Sveinínu Kristjánsdóttur
(f. 6.1.1900, d. 13.4.1973). Að sögn gefanda saumaði móðir hennar búninginn
sjálf, en Jórunn gekk í kvennaskólann í Reykjavík frá 21 árs aldri og var
mikil hannyrðakona. Eiginmaður Jórunnar var Sæmundur Helgason (f.
24.9.1896, d. 8.7.1976), póstfulltrúi og síðar deildarstjóri hjá Póst-
og símamálastjóra í Reykjavík. Þau gengu í hjónaband í desember 1930. Veislan
var haldin á Hótel Borg og var það fyrsta brúðkaupsveisla sem þar var haldin.
Þau bjuggu fyrst á Skólavörðustíg en síðar á Bókhlöðustíg 7 í Reykjavík.
Með kyrtlinum fylgdi einnig önnur blæja, úr silkitjulli, en hún var
svo illa farin að henni var fargað. Hún var mjög síð og í henni mátti sjá
leifar af þurrkuðum blómum sem hafa verið höfð til skrauts. Gefandi á enn
faldinn og koffrið sem fylgdu búningnum en sagðist nota það hvort tveggja
sjálf. Einnig sagði hún að við kyrtilinn hefði móðir sín verið í silkiskóm,
en þeir eru nú glataðir.
Kyrtillinn og blæjan voru í hvítum
pappakassa er þau bárust safninu. Að sögn gefanda var búningurinn ávalt
geymdur í þessum kassa en hann var svo illa farinn að ákveðið var að farga
honum.
Main information
Dating
1930
Material
Object-related numbers
"Museumnumber b": 2007-27-2
Dimensions
112 x 100 x 0 cm
Lengd: 112 Breidd: 100 Hæð: 0 cm
Record type
Collection
Undirskrá: Munasafn
Keywords
Keyword: Blæja