Go Back To Search
Do you know more?

Mynd, skráð e. myndefni

1915
In preservation at
National Museum of Iceland
Útskorin plata, með mynd víkingaskips, sem gert hefur Ríkharður Jónsson. Gripur þessi er gefinn Bergi Jónssyni skipstjóra í Hafnarfirði á fimmtugsafmæli hans 10. okt. 1915, og eru gefendur Geirlaug og Einar Þorgilsson. Hilla, útskorin, einnig eftir Ríkharð, fylgir, og lét Bergur smíða. Viðurinn í hvorttveggja er mahóní.    Plata með víkingaskipi. H. 54 sm, l. um 50 sm og mest þ. tæpl. 3.7 sm. Efnið rauðbrúnt, skorið út að framan, en bakhlið flöt, upphleypt mynd víkingaskips aðalhlutinn, og neðan við hana gerð áletrun, afmæliskveðja, í bundnu máli. Horft er á bakborðshlið skipinu, sem er á sjó úti, með þanda voð, skarða skjöldum, í því menn með hjálm á höfði, sítt hár og alskegg, róa sex og í skut stýrimaður. Á stafni er trjóna, en við hún fáni Íslands. Strengir liggja í skip niður frá masturtoppi og að endilöngu, ekki er skorið gegn í bilum og verður hér þríhyrningsflötur. Ná sjór og gnoð enda á milli, sjór niður fyrir yzt, að neðri brún og stallur myndast framan skips og aftan. Plötubrúnir beinar við stalla og að neðan og af þeim sneitt á bakhlið. Teikning af Bergi Jónssyni er í lóðréttum sporbaugsreit á segli miðju, h. um 17.4 sm, br. um 14.3 sm, og gler yfir. Hverft á vinstri vanga. Er teiknað á hvítan pappír með dökkum blýanti og farið ofan í með svartfjöður. Neðst til hægri stendur: Ríkharður Jónsson / 10/10 1915. Kveðjan rist með einföldu letri á flöt, sem eftir verður undir mynd, og eru vísurnar eftir Guðmund Guðmundsson, stendur hér:    Bergur Jónsson fimmtugur    Svalheims val yfir svanadölum,  sá inn prúði er ráðsnjall knúði,  samir (?) að dreka dáðum ríkur  dýrum yfir voga stýri:    Heppnari enginn íslendinga  annar plagði bláfold hranna,  Fögur eig þú efri daga  yndisskeið und sólarheiði.    (RRJ) Frá Einari og Geirlaugu 10/10 (G.G.). Þunn plata á baki og stoð þar, í umgerð, sem snýst um þorn, og má henni út skjóta, þetta úr tré, og l. stoðar 30.5 sm. Borin gljáhúð á. Ekki ýkja gott verk.

Main information

Dating
1915
Material
Object-related numbers
Museumnumber a: 15601 "Museumnumber b": 1955-48
Dimensions
54 x 50 x 3.7 cm Lengd: 54 Breidd: 50 Hæð: 3.7 cm
Place
Núverandi sveitarfélag: Hafnarfjarðarkaupstaður, Hafnarfjarðarkaupstaður
Record type
Collection
Undirskrá: Munasafn
Keywords