Stokkabelti
1930
In preservation at
National Museum of Iceland
Stokkabelti þar sem stokkarnir eru saumaðir fastir á linda sem er svört teygja með flauelsáferð á þeirri hlið sem snýr að stokkunum. Stokkarnir, sem eru úr gylltu silfri, eru með kornsettu víravirki (loftvirki). Þeir eru 11 talsins, að parastokkunum meðtöldum. Þeir eru ýmist fastir saman með hlekkjum eða hlekkirnir hafa verið leystir sundur og stokkarnir þá eingöngu saumaðir fastir á lindann. Paraskjöldurinn er hringlaga og er með samskonar víravirki og stokkarnir. Beltið er í góðu ástandi.
Allir gripirnir nr. Þjms. 2008-25 (að síðasta gripnum undanskildum) eiga saman en eru í raun tveir búningar: 20. aldar upphlutsbúningur og peysuföt, þar sem sumir gripanna eru notaðir fyrir báða búningana. Í heildina eru þetta eitt pils, upphlutur, skyrta, peysufatapeysa, sjal, 6 svuntur, 3 slifsi, 2 húfur, 2 skúfhólkar, sokkar, stokkabelti, næla, húfuprjónar og títuprjónar.
Pálína Oddsdóttir afhenti þessa kvenbúninga fyrir hönd vinkonu sinnar, Áslaugar Pétursdóttur (f. 30.9.1931) sem lést síðastliðið haust. Búningarnir eru úr eigu móður Áslaugar, Sigurbjargar Pálsdóttur (f. 1908, d. 1990), og að sögn Pálínu eru þeir væntanlega frá því um 1930. Sigurbjörg og eiginmaður hennar, Pétur Ingimundarson, bjuggu að Sólvallagötu 43 í Reykjavík. Pálína bjó lengi vel í sama húsi. Hún giftist síðar bróðursyni Péturs, Ingimundi Magnússyni ljósmyndara. Pálína og Áslaug þekktust frá 1953, þá rúmlega tvítugar. Áslaug fluttist síðar í Kópavog með eiginmanni sínum, Jóni Hauki Jóelssyni (f. 1928).
Þegar Áslaug kom með gripina þann 11. júní í ár kom í ljós að pilsið og skyrtuna vantaði. Hún hafði því samband við Jón Hauk og nokkrum dögum síðar (þann 28. júní) kom hún aftur með þessar tvær flíkur. Þær skrást þó á þetta sama númer / þessa sömu dagsetningu, sem hinir hlutar búninganna.
Að sögn Pálínu var það ávalt ósk Áslaugar að þessir búningar móður hennar færu í Þjóðminjasafnið.
Main information
Dating
1930
Material
Object-related numbers
"Museumnumber b": 2008-25-20
Dimensions
80 x 4 cm
Lengd: 80 Breidd: 4 cm
Record type
Collection
Undirskrá: Munasafn
Keywords
Keyword: Stokkabelti