Order a photo Terms of Use

Púnsbolla

1760

In preservation at

National Museum of Iceland

Úr aðfangabók: Púnsbolla úr silfri, gylt innan. Hún er með skelstílsgerð, sporöskjulöguð, þverm. um barma 14,6 - 19,9, dýpt 9,1; stjett undir, h. undir lok 12,1; þverm. stjettar 10,3 - 12,6. Lokið hátt og hvelft, alt með útbrotum svo sem bollan sjálf. Efst á því er tyrki, gyltur, situr á fótum sjer, krosslögðum. H. alls 23,2 ?. Eyru eða handarhöld eru á báðum endum á bollunni. Þau eru steypt og grafin; sömuleiðis tyrkinn. Á miðjum hliðum á bollunni eru nöfn grafin og umgjörð um, í skelstíl á því er gylling; annars vegar er Peder Thorsteensons og fyrir neðan umgjörðina stungið An-no, en hins vegar er Thorun Gudmunds Datter og fyrir neðan umgjörðina stungið ártalið 17-60. Uppi á lokinu eru sömuleiðis grafin nöfn og svipaðar umgerðir um, einnig gylt alt; annars vegar Gudmunðr (svo fyrir -ðr) Peterssen; hins vegar Þorunn ( svo fyrir Þorunn) Guthorms Datter. Nöfnin eru þeirra feðga Pjeturs sýslumanns Þorsteinssonar og Guðm. sýslumanns Pjeturssonar í Krossavík, og kvenna þeirra. Neðan á botninum eru hinir venjulegu 4 stimplar, sem er á silfursmíði frá Kaupmannahöfn, smiðsins, með stöfunum S T S, þ. e. Sivert Thorstensson, Sigurður Þorsteinsson, bróðir Pjeturs sýslumanns, sbr. J. Olrik, Danske Guldsmedes Mærker, Kh. 1919, bls. 84 (4641; ártalið 1750 fyrir meðan; - silfurvarðar, F, þ.e. (Christopher) Fabritius (1749-87), bæjarmerkið, Kaupmannahafnar, með 1760 undir, og mánaðarmerkið, H, fiskamerkið (18. Febr. - 20. Marts). - Sigurður var mikill silfursmiður í Kaupmannahöfn og þekkist fjöldi gripa eptir hann, bæði á Íslandi og í Danmörku. Sjá Árb. Fornleifafjel. 1912, bls. 48-50. - Önnur púnsbolla eða silfurtarína eptir Sigurð er nú í eign Jóns fræðslumálastjóra Þórarinssonar; hún er mjög lík þessari; gerð fyrir Ólaf stiptamtmann Stephánsson og er með upphafsstöfum hans og konu hans. - Í Danske Sølvarbejder, Kh. 1915, bls. 63 er mynd af svipaðri silfurtarínu eptir annan mann.