Mannabein

In preservation at

Mannabeinaleifar, fundnar að Ytri-Görðum í Staðarsveit. Í rannsóknarskýrslunni segir: Þorgrímur prestur á Staða-Stað lét 8. júlí Þjóðminjasafnið vita að fyrir rúmri viku hefðu vegavinnumenn, sem voru að taka ofaníburð, fundið beinagrind í malargryfju nálægt bænum Ytr-Görðum. Vegavinnumennirnir höfðu grafið beinin upp, sett í poka og flutt heim að Staða-Stað. Þegar ég kom vestur athugaði ég beinafundinn, sem reyndist vera af karlmanni og all vel varðveitt. - Ég fór á fundarstaðinn ásamt Antoni í Bergsholti, sem var einn af vegavinnumönnunum og verið viðstaddur uppgröft beinanna. Staður þessi liggur nokkur hundruð metra fyrir norð-vestan suðvesturhorn túngarðsins á Ytri-Görðum og um það bil einn kílómeter frá sjó. Þetta er gamall ölduhryggur með eins meters þykku skeljasandslagi undir grasrótinni. Á þessu svæði hefur um langt skeið átt sér stað uppblástur. Þar sem beinin fundust var svo að segja allt blásið burtu, aðeins 5 sm til 7 sm þykkt skeljarsandslagið ofan á moldarlaginu, sem beinin fundust í. Moldarlagið var 20 til 25 sm þykkt, en þar fyrir neðan var ölduorpið grjót og hnullungar þennan (?) tvo metra profil, sem malargryfjan hafði myndað í hrygginn. Ekkert er hægt að vita um hvernig líkið hefur verið lagt í gröfina, en Anton í Bergsholti segir að höfuðið hafi horft í norð-vestur (sneri A-NV). Við rannsökuðum fundarstaðinn sjálfan og dálítið í kring, en fundum ekkert. Engin merki voru heldur þess, að neinn umbúnaður hafi viðhafður verið til að gera hinztu hvílu hins látna eitthvað haganlegri, heldur hefur honum líklega verið tekin gröf á einfaldasta hátt. Þess má geta, að þar til vegur var lagður á þessum hluta Snæfellsness, ferðuðust menn annaðhvort eftir vegaruðningum upp við hlíðarnar eða á söndunum meðfram ströndinni og fundust beinin aðeins örskammt fyrir norðan gamla veginn við ströndina. 13-7-1950 Ólafía Einarsdóttir.

Main information

Donor: Ólafía Einarsdóttir

Material

Lífræn efni, Dýraríki, Bein, Mannsbein

Object-related numbers

Museumnumber a: 14338 "Museumnumber b": 1950-67

Place

Staður: Ytri-Garðar, Snæfellsbær

Record type

Artifact

Collection

Undirskrá: Munasafn

Keywords

Keyword: Mannabein

Place of origin

64°48'50.2"N 23°8'24.4"W