Go Back To Search
Do you know more?

Bréf, óþ. hlutv. + hlutv.

1846
In preservation at
National Museum of Iceland
Boðsbréf, prentað 1846, um stofnun skjalasafns um það er snertir hugarfar og siðferði, átrúnað og allt háttalag manna á umliðnum tímum, en slíkt félag mun aldrei hafa verið stofnað. Þetta bréf hefur verið sent Brynjólfi Benediktssyni, kaupmanni í Flatey, en Herdís dóttir hans var handgengin Þórhalli Bjarnarsyni biskupi á síðustu árum sínum og mun þetta bréf þannig komið í hans eigu og síðast til sonarsonar hans, Þórhalls Tryggvasonar, sem lét safnið hafa bréfið gegn greiða af þess hálfu (sbr. vélritað bréf, líkl. af Þór Magnússyni, sem fylgir boðsbréfinu og sett var í möppu: Fylgiskjöl Aðfangabókar). Boðsbréfið sjálft er eftirfarandi: Á meðfylgjanda boðsbréfi sjái þér, að Hans Hátign Konúngrinn hefir með allrahæstum úrskurðum 27. Aug. 1845 og 7. Febrúar 1846 boðið að stofna skyldi safn handa þeim skjölum, handritum og skýrslum, sem geta á einhvern hátt eflt fróðleik manna og þekkíngu á fornöldinni og hinni umliðnu tíð, um ásigkomulag landsins og þjóðarinnar, og hversu tímarnir hafa breytt hvorutveggja til þess sem nú er komið, og um allt það, sem á einhvern hátt ber vott um hugarfar og siðferði, átrúnað og allt háttalag manna á umliðnum tíma. Boðsbréfið er ætlað til þess að vekja eptirtekt manna á þeim helztu atriðum, sem menn þekkja nú til að fáanlegar sé skýrslur um á Íslandi, er á margan hátt geta frædt menn um það, sem enn er ókunnugt, og til þess að mæla fyrir, hvernig vér helzt æsktum að skýrslurnar yrði lagaðar. Vér þykjumst þess fullvissir, að allir fróðleiksvinir á Íslandi finni, hversu áríðandi er að safna slíkum skýrslum, og eptir því, sem kunnugt er um fróðleikselsku Íslendínga, vonum vér að þeir muni fúslega styrkja til framkvæmdar tilgángi Hans Hátignar Konúngsins, eigi síðr enn menn í Danmörku, sem nú eru almennt beðnir um áþekkar skýrslur. Vér biðjum þessvegna þá, sem með lyst og alúð vilja fullnægja því, sem hér er til mælzt, að safna og senda smámsaman til safnsins slíkar skýrslur og líta á nytsemd safnsins, og svo á það, að Ísland hefir sæmd af, að þaðan komi enn þær frásagnir, sem glöggvast geta lýst háttum og ásigkomulagi hinna eldri kynslóða á Norðrlöndum; en vér munum annast um, að skýrslur þær, sem til safnsins koma, verði sem fyrst hagnýttar í vísindalegar þarfir, og á hverju ári prentað yfirlit yfir það á Íslenzku, sem til safnsins kemr, og sumpart ágrip af því sem merkilegast þykir, í tímaritum Fornfræða-Félagsins; "Antiquarisk Tidsskrift" eða "Annaler for nordisk Oldkyndighed og Historie"; munu skýrslur þessar með því móti komast í hendr fjölda lesenda, þareð tímarit þessi útbreiðast mjög víða um lönd, einkum í Noregi, Svíþjóð og Danmörku. Annað af þeim tveimr boðsbréfum, sem vér látum fylgja bréfi þessu, biðjum vér yðr að fela á hendr einhverjum þeim manni í nágrenni yðar, sem þér þekkið að því, að hann muni vilja styðja þetta málefni. Kaupmannahöfn í hinu Konúnglega Norræna Fornfræða-Félagi þann 28. dag Aprílis mánaðar 1846. Friðrik / Danmerkr Krónprins / Forseti. Finnr Magnússon, / Aukaforseti. Rafn, / Ritari. Jón Sigurðsson, / Skjalavörðr. Herra Brynjólfi B. Benedictsen, Kaupmanni í Flatey.

Main information

Dating
1846
Material
Object-related numbers
"Museumnumber b": 1987-336
Dimensions
33.2 x 20 x 0 cm Lengd: 33.2 Breidd: 20 Hæð: 0 cm
Place
Núverandi sveitarfélag: Kaupmannahöfn, Kaupmannahöfn
Record type
Collection
Undirskrá: Munasafn
Keywords