Stundaklukka
In preservation at
National Museum of Iceland
Stundaklukka mikil, Borgundarhólmsklukka, með 8 sólarhringa gangverki, sekúnduvísi og mánaðardagatali. Skífan er úr látúni, en ofan á hana er lagður tinhringur með tölunum I-XII og utan yfir þeim 5-60. Lítill töluhringur er utan um sekúnduvísinn, einnig úr tini og það eru vísarnir líka. Umhverfis töluhringinn, í hornunum fjórum er margbrotið, gegnumskorið skrautverk úr bronsuðu látúni. Helzt virðist það rokokokennt. Ofan við skífuna er tinkringla, sem á er grafið Baltzar Lindom, en á litla tinplötu, rétt neðan við miðju skífunnar er grafið orðið Böe. Neðan við það er lítið ferskeytt op á skífunni, og í því kemur mánaðardagurinn fram á annarri skífu, sem undir er. Klukkukassinn er 2,30 m á hæð, smíðaður úr furu, efri hlutinn óvenju íburðarmikill. Nafnið Böe bendir til Noregs, en það sannar að vísu ekki, að klukkan sé norsk, heldur getur platan, sem það nafn er grafið á, verið sett á af þeim, sem flutti hana til Noregs, en þaðan mun hún hafa komið til Íslands. Árni Thorlacius í Stykkishólmi hefur átt hana, og stóð hún á sínum stað í Norska húsinu, sbr. O. Clausen: Sögur af Snæfellsnesi I, bls. 150, og hefur hann sennilega keypt hana í Bergen. - Þegar klukkan kom á safnið var hún allmjög úr lagi gengin, en þjóðminjavörður gerði við hana og kom í lag.
Main information
Material
Object-related numbers
Museumnumber a: 12761
"Museumnumber b": 1939-234
Dimensions
230 x 0 cm
Lengd: 230 cm
Place
Núverandi sveitarfélag: Sveitarfélagið Stykkishólmur, Sveitarfélagið Stykkishólmur
Record type
Collection
Undirskrá: Munasafn
Keywords
Keyword: Stundaklukka