Order a photo Terms of Use

Stokkur, óþ. hlutv.

1835

In preservation at

National Museum of Iceland

Stokkur, smíðaður af Gissuri Pálssyni, síðar bónda á Syðra-Steinsmýri í Meðallandi. Einfaldur furukassi með renniloki, renndu frá hlið, lagður flötum listum og festur saman með trétöppum. Ofan í trétappana á loki og efri brún hliðanna eru reknar eirbólur. Lengd 28 sm, br. 16 sm, hæð 15.7 sm. Innri brún listanna. Langhliðum og loki skipt í tvennt með þverlista. Á reitum loksins eru útskornar stjörnur, sín í hvorum reit og eirbóla í þeim miðjum. Á reit framhliðar eru ristir stafirnir A og F, skrautlega dregnir upphafsstafir latínuleturs. Á gaflinum til hægri er rist: Anno 1831. Er anno með upphafsstöfum. Á reiti bakhliðar er rist M og A, á vinstra gafl D, með sama letri og er á framhlið. Einn listi að ofan er farinn að losna, að öðru leyti er stokkurinn heill og vel út lítandi. Gissur sá Pálsson, sem smíðaði stokk þennan, gaf hann í tryggðarpant heitkonu sinni Margréti Árnadóttur. Giftust þau 22.10.1835. Stokkurinn gekk síðan að erfðum til Guðbj. Gissurardóttur, sem átti Jóhannes Jónsson, bónda í Geitavík í Borgarfirði eystra, og loks til Margrétar þar, en hún vill ráðstafa honum á forngripasafn, segir í meðfylgjandi greinargerð. Sbr. Þjms. 3235, 6121, o.fl.