Skriffærastatíf
1918
In preservation at
National Museum of Iceland
Skriffærastatíf / blekstatíf / blekstæði úr viði, bæsað rauðbrúnt. Það er skorið í líki hlóða með potti á. Sjúklingar á Laugarnesspítala (Holdsveikraspítalanum) gáfu Sæmundi Bjarnhéðinssyni, yfirlækni þar, statífið árið 1918. Það er skorið af Ríkarði Jónssyni. Að ofanverðu, framan við hlóðirnar, er áletrun: Til prófessors Sæm Bjarnhjeðinssonar. Frá sjúkl. í Lauganesi. Þar undir er skúffa með tveimur sporöskjulaga hólfum. Á framhlið undirstöðunnar, beggja vegna skúffunnar, er svo skorin dagsetningin 1-10 1918. Tilefni gjafarinnar var sú að árið 1918 voru liðin 20 ár frá því að starfsemi spítalans hófst (fyrstu sjúklingarnir munu hafa lagst inn 10. október 1898). Á annarri hlið statífsins stendur enda: IN MEMORIAM XX ANNORUM LABORES INTER NOS (sem þýða má sem. Í minningu 20 ára samstarfs okkar / Í minningu 20 ára starfs okkar á milli). Á hinni hliðinni er áletrun með rúnaletri: þökk fyrir drengilega framgöngu gegn drekanum mikla. Á báðum hliðum er svo að finna fangamark Ríkarðs Jónssonar.
Skriffærastatífið barst með Gerði, dóttur Sæmundar, til Danmerkur og síðan í hendur frú Ingibjargar Topsóe-Jensen (dóttur Knud Siemsen f.v. borgarstjóra), Maglemosevej 1, Hellerup, Danmörku. Á botninum er límmiði, lítið eitt rifinn, sem á stendur: [...]A SÝNINGIN Á CHARLOTTENBORG 1927. Nr. 54.
Main information
Dating
1918
Material
Object-related numbers
"Museumnumber b": 1969-150
Dimensions
23.5 x 18.5 x 16 cm
Lengd: 23.5 Breidd: 18.5 Hæð: 16 cm
Record type
Collection
Undirskrá: Munasafn
Keywords
Keyword: Skriffærastatíf