Veggteppi
1935 - 1940
In preservation at
National Museum of Iceland
Veggteppi sem samsett er úr 8 stólsetum,
útsaumuðum með krosssaumi og strengt á blindramma. Myndirnar á setunum
eru fengnar úr textílum á Þjóðminjasafninu, en þær eru þó í öðrum litum
og flestar nokkuð stílfærðar. Tvær myndanna (2. og 6. frá vinstri) eru
gerðar eftir myndum á Þjms. 1924 en eru örlítið breyttar. Tvær (1. og 4.
frá vinstri) virðast gerðar eftir myndum á Þjms. 160 og svipuð mótíf eru
á nr. Þjms. 161, en þær eru nokkuð stílfærðar. 3. myndin frá vinstri gæti
verið stílfærð mynd af nr. Þjms. 337 eða 11055. Seturnar gerði Sesselja
Helga Jónsdóttir (f. 1916, d. 2006). Hún dró munstrin upp á Þjóðminjasafninu
fyrir 1940, þegar það var til húsa í Safnhúsinu við Hverfisgötu. Hún notaði
þær sem stólsetur í örfá ár en kunni ekki við það eftir að hún eignaðist
börn og breytti þeim þá í veggteppi. Stólarnir sem seturnar voru á voru
íslensk smíð en þeir eru nú glataðir. Gefendur eru Björk Guðmundsdóttir
og Jón Hallur Jóhannsson, Lágholtsvegi 4 í Reykjavík, en hann er sonur
Sesselju Helgu. Sesselja Helga var fædd í Reykjavík, fluttist til Hólmavíkur,
þaðan á Sauðárkrók og loks aftur til Reykjavíkur, þá um sjötugt. Veggteppið
hékk alla tíð uppi á heimilum Sesselju, allt þar til hún lést árið 2006,
en það var ósk hennar að það færi til Þjóðminjasafnsins eftir hennar dag.
Veggteppið er í mjög góðu ástandi.
Sjá einnig veggteppi nr. Þjms.
2007-26-1 sem einnig er frá Sesselju Helgu Jónsdóttur.
Main information
Dating
1935 - 1940
Material
Object-related numbers
"Museumnumber b": 2007-26-2
Dimensions
258 x 39 cm
Lengd: 258 Breidd: 39 cm
Record type
Collection
Undirskrá: Munasafn
Keywords
Keyword: Veggteppi