Kanna, sem borðbúnaður og drykkjarílát

1700 - 1750

In preservation at

Könnulok úr silfri, líklega af vínkönnu úr postulíni: það er kringlótt, 5,8 cm. að þverm. neðst og 1,6 cm. að hæð. Á því er aptast lauf upp úr, grafið, og það er þar á hjörum við spenst, sem verið hafa á handarhaldi á könnunni. Í mitt lokið er kveikt silfurmynt, ungversk keisaramynt, 3,5 cm. að þverm. Á framhlið er brjóstmynd Leópolds keisara I. og sjer á hægri vanga: grönn snúra um og áletrun: LEOPOLD: - D:G:R:I:S:A:GER: - HV:B:REX. (þ.e. Leopoldus Dei Gatia Romanorum Injurator Semjur Augustus Germaniæ Hungariæ Bohemiæ Rex ). Á eptir nafni keisarans er lítil mynd af Maríu með Jesum, og á eptir GER: er skjaldarmerki Ungarus klofinn skjöldur með merkjum gamla og nýja Ungarus, krýndur. Á bakhlið, sem snýr inn, er hinn tvíhöfða keisaraörn með sverð og veldissprota í klóm sjer og krýndum skildi á brjósti, en á höfðunum er keisarakóróna. Skjöldurinn er klofinn og með hjartarskildi á, og umhverfis hann er orðufesti gullreifisorðunnar. Fyrir neðan klær arnarins eru stafirnir K og B, sem merkja myntstaðinn:Kormecz - Bánya, þ.e. Kremnitz - Bergstadt: voru þeir settir á ungverskar myntir alt frá 1525. Umhverfis örninn er grannur perluhringur og yzt annar, en svofeld áletrun á milli, framhald þeirra sem er á framhliðinni : ARCHID : AV : DVX : BV : MAR: MOR : CO : TYR :1703 ( þ.e. Arcidux Austriæ Dux Borgundiæ Marchio Moraviæ Comes Tyrolis ). Myntin virðist hafa verið alveg ómáð er hún var greypt í lokið og er það að líkindum frá byrjun 18. aldar. Úr búi Björns prófasts Halldórssonar er var í Garði í Keldukverfi (S.V.) 1812 - 41.