Go Back To Search
Do you know more?

Skírnarvatnskanna

1610
In preservation at
National Museum of Iceland
Kanna úr mógráum leir með ljósbláum glerungi á og miklu, upphleyptu skrauti, sem er með dökkbláum glerungi á sumstaðar. Hún er 27 cm. að hæð, gildust um miðju, að þverm. þar 12,5 cm.; um stútinn 5,5 og stjettina 7 cm., 8 neðst. Um miðju er 4,5 cm. breitt belti með 7 sporöskjulöguðum kringlum á og eru á þeim upphleyptar myndir af höfuðdygðunum sjö og nöfn þeirra umhverfis: SANTO (þ.e. SANCTA) FIDES - DER H. GLAVB (þ.e. Der heilige Glaube). Hún heldur kaleik (hins nýja testamentis ) í hægri hendi; á bak við er mynd af fórn Ísaks. SPES MEIO ( þ.e. MEA ) IN DEIO (þ.e.DEO) - HOFFEN AVF GOT (þ.e.Gott). Hún heldur akkeri í vinstri hendi og fugli í hægri; skip bak við. - CHARITAS - DIE LIEBE. Hún heldur á barni og 3 börn eru umhverfis hana. Krossfestingin sjest bak við (- vottur elsku guðs til mannkynsins). - IVSTITA (þ.e. IUSTITIA) - GERECHTIGKEIT. / Hún heldur á skálavog í hægri hendi og sverði í hinni. Myndin bakvið er óljós. - FORTITVDO - STARCKE (þ.e. STÄRCKE). Hún ber steinsúlu mikla. Á bakvið er mynd af manni, er virðist ætla að fara að berjast við dreka; hópur manna horfir á. - PRVDENTIA - WEISHEITT. Hún ber dúfu(?) á hægri hendi og höggorm í vinstri, sbr. Matt. X. 16. Á bakvið eru 2 fuglar (dúfur?) að stinga saman nefjum og 2 persónur sitja saman (og talast við). - TEMPERANTIA - MESSICHEIT ( þ.e. Mässigheit). Hún hellir (víni) úr könnu í bikar. Óljósar myndir á bak við. - Á þessu belti miðju er ártal neðst við jaðarinn, óljóst, en virðist helzt vera 16 - 10 . Kannan lítur og út fyrir að vera frá þeim tíma og líklega gerð í Nassau á Þýzkalandi. Um stútinn er látúnshringur og látúnslok á honum fast með eirhjörum. Það er með óverulegum grepti að ofan; virðist vera yngra en kannan, líklega frá 18. öld og íslenzkt. Handarhald er á og úr sama efni og kannan. Hún er brotin að neðan; líklega hefur frosið í henni skírnarvatn í kirkjunni og sprengt hana. Hún er nefnilega frá kirkjunni á Breiðabólsstað á Skógarströnd og hefur víst verið þar skírnarvatnskanna; faðir gefandans, ,,sjera Guðmundur prófastur Einarsson hafði ætlað hana safninu áður en hann dó" (S.V.). Hún hefur sýnilega fyrir löngu verið girt með járnvír og bætt með blýi.

Main information

Dating
1610
Material
Object-related numbers
Museumnumber a: 2378 "Museumnumber b": 1883-207
Dimensions
27.5 x 10.5 x 0 cm Lengd: 27.5 Breidd: 10.5 Hæð: 0 cm
Place
Staður: Breiðabólstaður, 371-Búðardal, Dalabyggð
Exhibition text
Kanna úr ljósgráum leir og blámáluð, með loki úr látúni, mun gerð í Westerwald í Þýskalandi á 17. öld, virðist með ártali 1610. Hún er með upphleyptum myndum af höfuðdyggðunum sjö í konulíki og standa nöfn þeirra á latínu og útskýrð á þýsku umhverfis myndirnar. Var höfð sem skírnarvatnskanna í Breiðabólstaðarkirkju á Skógarströnd 2378 Kanna úr ljósgráum leir og blámáluð, lok úr látúni, mun gerð í Westerwald í Þýskalandi á 17. öld, virðist með ártali 1610. Á henni eru upphleyptar myndir af höfuðdyggðunum sjö í konulíki og standa nöfn þeirra umhverfis myndirnar á latínu og útskýrð á þýsku. Var höfð sem skírnarvatnskanna í kirkju vestanlands. Spjaldtexti: Könnur úr málmi og leir sem voru notaðar undir messuvín og skírnarvatn. Jugs, metal and ceramic, used for communion wine and baptismal water.
Record type
Collection
Undirskrá: Munasafn
Keywords

Place of origin

65°2'15.6"N 22°23'1.7"W